شاعىن اۋىلدارداعى شاتتىق

اپانىڭ اق تاياعى ۇلى عابدىناسىرعا مۇرا بولدى. بۇل اۋىلعا سول جىلى دىنمۇحامەد قوناەۆتىڭ ءوزى كەلىپ, قويشى انانى قۇتتىقتاعانى بەلگىلى. ال ءشامشى اۋىلىنىڭ اتى ايتىپ تۇرعانداي, اۋىلعا كەزىندە ۇلى كومپوزيتوردىڭ ءوزى كەلگەن. سوندىقتان اۋىل تۇرعىندارى ۇلى تۇلعالار اياق باسقان اۋىلدارمىز دەپ ماقتان ەتەدى.

قازىر ءشامشى مەن شابار اۋىلدارى قىزىلاسكەر اۋىلدىق وكرۋگىنە قارايدى. تۇرعىندار سانى از, ءتورت اۋىلدى قوسقاندا بار-جوعى 1423 ادام تۇرادى. شاباردا 247, شامشىدە 201 تۇرعىن بار. ال مەكتەبىندە 7 وقۋشى عانا قالىپتى. بۇل اۋىلداردا ەشقايدا كوشپەي, تۋعان اۋىلىم دەپ تۇراقتاپ قالعان بايىرعى حالىق تۇرادى. مال شارۋاشىلىعىمەن اينالىساتىن «داۋرەن», ء«مادي», «مۇرات», «نۇر», «قوڭىرعاق», «قانات» سەكىلدى شارۋا قوجالىقتارى, كوكونىس وسىرۋمەن اينالىساتىن «رادۋگا» جانە «روسا» شارۋا قوجالىقتارى بار.

امانگەلدى جىلقىباەۆ باستاعان اۋىل ازاماتتارى ءشامشى اۋىلىن كوگالداندىرۋعا ۇلكەن ۇلەس قوسۋدا. ناسسرەدين جاپاباەۆ سەكىلدى اۋىلىنا قايتا كوشىپ كەلگەندەر دە كەزدەسەدى. اۋىل جاستارى اۋىل سايتىن دا جاساپ الىپتى. شارۋا قوجا­لىق­تارى باسشىلارى بىرلەسىپ, مەكتەپ­كە كومپيۋتەر سىيلاعان ەكەن. بي­ىل ءشامشى, شابار اۋىلدارىنداعى ەسكى عيماراتتارعا كۇردەلى جوندەۋ جۇمىستارى جۇرگىزىلدى. وعان وبلىستىق بيۋدجەتتەن 25 ميلليون تەڭگە ءبولىنىپ, مەردىگەر قۇرىلىس فيرمالارى جۇمىستى اياقتادى. قايتادان ەسىك اشقان كلۋب ۇيلەرى اۋىل تۇرعىندارىنىڭ كوڭىلىن جا­دىراتتى.

 ەندى, مىنە, اۋىل كەشى كوڭىلدى. شا­عىن عانا قوس اۋىل ءۇشىن, ارينە, كلۋب عيماراتتارىنىڭ جارقىراپ, جاڭا­رىپ شىعا كەلگەنى ەرەكشە قۋانىش. اۋىل تۇرعىندارىن قۇتتىقتاۋعا كەلگەن وبلىستىق مادەنيەت, ارحيۆ جانە قۇ­جاتتاما باسقارماسىنىڭ باسشىسى ارداق رايىمبەكوۆ وزىمەن بىرگە وب­لىستىق «شاڭىراق» حالىق شى­عار­ماشىلىعى ورتالىعى مەن يسا باي­زا­قوۆ اتىنداعى وبلىستىق فيلارمونيا انشىلەرىن دە ەرتە كەلىپتى. مادەنيەت ۇيى­نە ارنايى قۇرال-جابدىقتار, ورىن­دىق­تار, اسپاپتار, ونەرپازدار كيىمدەرى دە ساتىپ الىنىپتى. 

بۇل مادەنيەت وشاعىندا نازىم ۋا­ليەۆا, بوتاگوز ومارحانوۆا ۇزاق جىل­­دار بويى ەڭبەك ەتىپ كەلەدى. وسى قۋا­­نىشتى كۇنى اۋىل اقساقالدارى تولە­گەن, توقسانباي, جۇماباي اتالار شاعىن اۋىل­داردى نازاردان تىس قال­دىر­ما­عاندارى ءۇشىن العىس ايتسا, اجەلەر شاشۋ شاشتى.

 فاريدا بىقاي, «ەگەمەن قازاقستان» 

 پاۆلودار وبلىسى,  لەبياجى اۋدانى