الەمدىك مەديتسينالىق تەحنولوگيالاردىڭ ادام ءومىرىن ساقتاۋداعى عاجايىپتارى قاتتى ءبىلىنىپ كەلەدى. ماسەلەن, بۇرىن اتا-بابالارىمىز قىرقۇلاق, وبا, سۇزەك ىندەتىنەن باۋداي تۇسكەندىگى بەلگىلى. شەشەكتەن قىرىلىپ قالعان. ال, بۇگىندە سوقىرىشەك دەگەنىڭىز پىشاققا تۇسپەي-اق لاپاراسكوپپەن سۋىرىپ الاتىن كۇيگە جەتتى.
ەندى وڭتۇستىكتىڭ دارىگەرلەرى انگيوگرافيا اپپاراتىمەن جۇمىس ىستەپ جاتىر. جارتىلاي روبوت قوندىرعى ارقىلى ناۋقاسقا پىشاق تيمەي ەندوۆاسكۋلارلى ءادىس قولدانىلادى.
– بۇل قوندىرعى, انگيوگرافيا, قان تامىرلارى مەن ونىڭ توڭىرەگىندەگى ۇلپالاردى رەنتگەن ساۋلەلەرى ارقىلى تەكسەرۋدىڭ جاڭا ءادىسى بولىپ تابىلادى. مۇنىڭ تيىمدىلىگى وراسان. قوزعالىس شەكتەلىپ, قان تامىرلارى تارىلىپ, وندا اقاۋ كوبەيگەن تۇستا دياگنوزدى ءدوپ باسۋعا سەپتىگىن تيگىزەدى. ارنايى اپپارات قان تامىرىنا ورنالاستىرىلاتىن ارنايى كاتەتەر ارقىلى جۇمىس ىستەيدى, – دەيدى وبلىستىق دەنساۋلىق ساقتاۋ باسقارماسىنىڭ باسشىسى مۇحان ەگىزباەۆ.
قان تامىرلارى, جۇرەك تالماسى سياقتى اۋرۋلار وڭتۇستىك مەديتسيناسىنىڭ ءالسىز تۇسى ەدى. ەلباسىنىڭ سىنىنا دا ۇشىراعان. ەلدى بۇل كەسەلگە دە ەم تابىلىپ جاتىر. وڭتۇستىك قازاقستان وبلىستىق كلينيكالىق اۋرۋحاناسى انگيوگرافيا اپپاراتىن العاش ىسكە قوسقان مەديتسينالىق مەكەمە. ەندى قان تامىرلارى جۇيەسى بويىنشا جاسالاتىن كۇردەلى وتالار وسى اۋرۋحانانىڭ بازاسىندا وتكىزىلەدى.
باقتيار تايجان, «ەگەمەن قازاقستان»
وڭتۇستىك قازاقستان وبلىسى