بۇگىن استانادا باقىتجان ساعىنتاەۆ بارون ەريك دە روتشيلدپەن كەزدەسۋ وتكىزدى, وندا ينۆەستيتسيالار تارتۋ مەن ەكىجاقتى ىنتىماقتاستىق ماسەلەلەرى تالقىلاندى.
Rothschild & Co — روتشيلدتەر اۋلەتىنە ءتيىستى, ەكى ءجۇز جىلدىق تاريحى بار حالىقارالىق تاۋەلسىز قارجى-كونسۋلتاتسيالىق فيرماسى. فيرمانىڭ ءتورت بولىمشەسى بار: جاھاندىق قارجىلىق كەڭەس بەرۋ, اكتسيونەرلىك كاپيتالعا تىكەلەي ينۆەستيتسيالار, اۋقاتتى كليەنتتەردىڭ اكتيۆتەرىن باسقارۋ جانە ينستيتۋتسيونالدىق ينۆەستورلاردىڭ اكتيۆتەرىن باسقارۋ.
فيرما 2010 جىلدان باستاپ 419-دان استام مامىلە جاساعان, ولاردىڭ جالپى قۇنى $478 ملرد قۇراعان. اكتسيونەرلىك كاپيتالمەن مامىلە بويىنشا «روتشيلد» ماماندارى كومپانيانىڭ لوندونداعى, پاريجدەگى, ميلانداعى, نيۋ-يوركتەگى, گونكونگ جانە سيدنەيدەگى بولىمشەلەرىندە بار. «روتشيلد» تمد اۋماعىندا 1994 جىلدان بەرى رەسەيدە قىزمەت ىستەيدى. قازاقستاندا كومپانيانىڭ بەلسەندى جۇمىسى 2006 جىلدان باستالعان.