اقوردادا ەلباسى نۇرسۇلتان نازارباەۆ ەلىمىزگە رەسمي ساپارمەن كەلگەن يوردانيا حاشيميت كورولدىگىنىڭ كورولى ابداللا ءىى بەن ءال-حۋسەينمەن شاعىن قۇرامداعى كەلىسسوزدەر وتكىزۋدە.
«مەن يادرولىق قارۋعا قارسى كۇرەستە ەرەكشەلەنگەندەرگە ارنالعان ارنايى سىيلىق بەكىتكەن ەدىم. قازاقستان ءنومىرى ءبىرىنشى سىيلىقتى سىزگە تابىستاۋ شەشىمىن قابىلدادى جانە مەن سايكەسىنشە جارلىققا قول قويدىم. بۇل سيرياداعى, يراكتاعى سوعىس جاعدايدا حالىقتاردى جاقىنداتا تۇسەتىن بىتىمگەرشىلىك ءرولىڭىزدى جالعاستىرۋداعى ەڭبەگىڭىزدىڭ مويىندالۋى. سيريا جونىندەگى استانا پروتسەسىندە دە ءسىزدىڭ ەلىڭىز زور رولگە يە. وسىنى ەسكەرە كەلە ارنايى كوميسسيا بۇل سىيلىقتى سىزگە تابىستاپ وتىر. ونى سىزگە تابىس ەتۋ مەن ءۇشىن زور قۇرمەت», - دەدى كەزدەسۋ بارىسىندا نۇرسۇلتان نازارباەۆ.
ءوز كەزەگىندە يوردانيا حاشيميت كورولدىگىنىڭ كورولى ايرىقشا سىيلىقتى تابىس ەتكەن قازاقستان پرەزيدەنتىنە ريزاشىلىعىن ءبىلدىردى. ء«سىز تاياۋ ارالىقتا ديپلوماتيالىق قارىم-قاتىناستىڭ 25 جىلدىعىن اتاپ وتەتىندىگىمىزدى ەسكە سالدىڭىز. دەگەنمەن, ءبىزدىڭ قارىم-قاتىناسىمىز بۇل داتاعا دەيىن مەنىڭ اكەمنەن باستالعانىن بىلەمىز. يوردانيا جانە بۇكىل حالىقارالىق قوعامداستىق ءسىزدىڭ حالىقارالىق ارەناداعى جانجالداردى رەتتەۋدەگى ايرىقشا ءرولىڭىزدى بىلەدى جانە باعالايدى. ءسىز يادرولىق تاراتپاۋ سالاسىنداعى سىن-قاتەرلەردىڭ ستاندارتتارىن, جاۋاپتارىن بەلگىلەپ قانا قويماي, سونىمەن بىرگە ەتنوسارالىق جانە كونفەسسياارالىق كەلىسىمدە دە زور تابىستارعا قول جەتكىزدىڭىز», - دەدى ابداللا ءىى بەن ءال-حۋسەين.