نيۋ-يوركتەگى تەرراكت كەزىندە زارداپ شەككەندەردىڭ اراسىندا قازاقستان ازاماتتارى جوق. بۇل جايىندا ەلىمىزدىڭ سىرتقى ىستەر مينيسترلىگىنىڭ ءباسپاسوز حاتشىسى Əنۋار جايناقوۆ فەيسبۋكتەگى پاراقشاسىندا مالىمدەدى.
«وسى ۋاقىتقا دەيىنگى مəلىمەتتەرگە سəيكەس نيۋ-يورك قالاسىندا جۇك كولىگىنىڭ ءبىر توپ جاياۋ جۇرگىنشىنى باسىپ كەتۋىنەن قازا تاپقانداردىڭ جانە زارداپ شەككەندەردىڭ اراسىندا قازاقستان ازاماتتارى جوق. قازاقستاندىق ديپلوماتتار وسى احۋالدى باقىلاۋدى جالعاستىرۋدا», - دەپ جازدى جايناقوۆ.
ەسكە سالا كەتسەك, نيۋ-يوركتىڭ مانحەتتەن اۋدانىندا اۆتوكولىك ۆەلوسيپەد جولىنداعى جولاۋشىلاردى قاعىپ كەتىپ, وق جاۋدىردى. رەسمي مالىمەت بويىنشا, 6 ادام وقيعا ورنىندا, 2 ادام اۋرۋحانادا قايتىس بولعان. 11 ادام اسا اۋىر حالدە اۋرۋحاناعا جەتكىزىلگەن. نيۋ-يورك مەرى بيلل دە بلازيو جۋرناليستەرگە بەرگەن سۇحباتىندا «بۇل, ءسوزسىز, قاراپايىم, ەش جازىعى جوق ادامدارعا قارسى تەررورلىق اكتى», دەدى.