اۋا-رايىنىڭ كۇرت بۇزىلۋىنا بايلانىستى استانا قالاسىنىڭ جپق كولىك جۇرگىزۋشىلەرىنە جول ءجۇرۋ ەرەجەلەرىن قاتاڭ ساقتاۋ كەرەكتىگىن ەسكەرتەدى, دەپ حابارلايدى ەلوردا اكىمدىگىنىڭ ءباسپاسوز قىزمەتى.
«جول ءجۇرۋ كەزىندە كولىك اپاتىنىڭ الدىن الۋ ماقساتىندا جۇرگىزۋشىلەرگە اۆتوكولىكتىڭ دوڭگەلەگىن جازعىدان قىسقى دوڭگەلەككە اۋىستىرۋعا كەڭەس بەرەدى», - دەلىنگەن استانا قالاسىنىڭ جپب تاراتقان اقپاراتتا.
سونىمەن قاتار ءتارتىپ ساقشىلارى جۇرگىزۋشىلەرگە كۇن رايىنىڭ ەرەكشەلىكتەرىن ەسكەرىپ, جىلدامدىق رەجيمىن بەلگىلەنگەن كورسەتكىشتەن اسىرماي, جول بەلگىلەرىندەگى نۇسقاۋلار مەن كولىك قۇرالدارىنىڭ تۇراقتاۋ ەرەجەلەرىن قاتاڭ قاداعالاۋعا كەڭەس بەرەدى.
«جاياۋ جۇرگىنشىلەرگە دە جول ءجۇرۋ ەرەجەلەرىن ساقتاۋ كەرەك. ول ءۇشىن جولدى تەك رۇقسات ەتىلگەن جەردەن ءوتۋى ءتيىس», - دەلىنگەن حابارلامادا.
استانا قالاسىندا تەمپەراتۋرانىڭ تومەندەۋىنە بايلانىستى كوكتايعاق بولادى دەپ كۇتىلۋدە.
بۇگىن استانادا كۇن بۇلتتى, جاڭبىر ارالاس قار جاۋىپ, كوكتايعاق بولادى. «جەل وڭتۇستىك-باتىستان, باتىستان 15-20 م/س سوعادى. تەمپەراتۋرا كۇندىز جانە تۇندە +3...+5°س تومەندەيدى», - دەلىنگەن قازگيدرومەت حابارلاماسىندا.
سينوپتيكتەردىڭ بولجامىنشا 25 قازان كۇنى استانادا كۇن رايى بۇلتتى, قار جاۋىپ, بۇرقاسىن سوعادى. جەل باتىستان, سولتۇستىك-باتىستان 15-20 م/س سوعادى. تۇندە تەمپەراتۋرا -3...-5°س, كۇندىز 0...-2°س.
بەيسەنبى كۇنى – كوشپەلى بۇلت, تۇندە ازداعان قار جاۋادى. جەل سولتۇستىك-باتىستان 9-14 م/س سوعادى. تۇندە تەمپەراتۋرا -3...-5°س, كۇندىز - 0....-2°س.
اۋا رايىنىڭ تومەندەپ, سۋىتۋىنا بايلانىستى كوكتايعاق بولادى دەپ كۇتىلۋدە. سوندىقتان, قالالىقتار مەن استانا قوناقتارىنا كوشەلەردە اباي بولۋىن ەسكەرتەدى.