ارنايى بارىپ قاتىسىپ قايتتى

26 قازاندا ەر-رياد قالاسىندا ساۋد ارابياسى كورولدىگىنىڭ تاق مۇراگەرى, پرەمەر-ءمينيستردىڭ ورىنباسارى, قورعانىس جانە اۆياتسيا ءمينيسترى, حانزادا سۇلتان بەن ابدەل ءازيز ءال ساۋدتىڭ قايتىس بولۋىنا بايلانىستى ازالى ءراسىم ءوتتى, دەپ حابارلادى قر سىرتقى ىستەر مينيسترلىگىنىڭ ءباسپاسوز قىزمەتى. اتالعان راسىمگە ەلىمىزدىڭ اتىنان قازاقستان پرەزيدەنتىنىڭ ارنايى وكىلى, ەل پرەمەر-مي­نيس­ترىنىڭ ورىنباسارى – يندۋستريا جانە جاڭا تەحنولوگيالار مي­نيسترى اسەت يسەكەشەۆ قا­تىستى. ەر-رياد پروۆينتسياسىنىڭ گۋبەرناتورى حانزادا سالمان بەن ابدەل ءازيز ءال ساۋدپەن كەزدەسۋى بارىسىندا ءا.يسەكەشەۆ وعان قا­زاقستان باسشىسىنىڭ ساۋد ارا­بيا­سىنىڭ كورولى ابداللا بەن ءاب­دەل ازيزگە ارنايى جولداۋىن تابىس ەتتى. جولداۋدا تاق مۇرا­گە­رى حانزادا سۇلتاننىڭ قايتىس بو­لۋىنا بايلانىستى كوڭىل ايتىل­عان جانە مارقۇمنىڭ قازاقستان مەن ساۋد ارابياسى اراسىنداعى قارىم-قاتىناستاردىڭ دامۋىنا ولشەۋسىز ۇلەس قوسقاندىعى اتاپ وتىلگەن. تاق مۇراگەرى حانزادا سۇل­تاننىڭ تىكەلەي قاتىسۋىمەن ساۋد ارابياسى ءبىزدىڭ ەلىمىزدەگى پارلامەنت سەناتىنىڭ, استانا قالا­سىنداعى كارديولوگيالىق اۋرۋ­حا­نانىڭ, اسكەري مەكتەپتىڭ, پەتروپاۆل قالاسىنداعى مەشىتتىڭ, سون­داي-اق سەمەي قالاسىنداعى تۋ­بەر­كۋ­لەزگە قارسى بالالار اۋرۋ­حا­نا­سىنىڭ قۇرىلىستارى مەن باس­قا دا الەۋمەتتىك نىساندار ءۇشىن قاي­تا­رىمسىز قارجىلاي كومەك كورسەتتى. كەزدەسۋ بارىسىندا حانزادا سالمان بەن ابدەل ءازيز ەلباسى نۇرسۇلتان نازارباەۆقا كوڭىل اي­تىپ, شىنايى سەزىمىن بىلدىرگەنى ءۇشىن ءوزىنىڭ العىسىن جەتكىزۋدى سۇرادى.