بەنزين باعاسىنىڭ وسكەنىمەن, الداعى ۋاقىتتا ۇسىنىستىڭ ارتۋىنا وراي وتىن باعاسى تومەندەيدى. بۇل تۋرالى پارلامەنت سەناتىندا «2018-2020 جىلدارعا ارنالعان رەسپۋبليكالىق بيۋدجەت تۋرالى» زاڭىنىڭ جوباسىنىڭ تانىستىرىلىمىندا قر ەنەرگەتيكا ۆيتسە-ءمينيسترى باقىتجان جاقساليەۆ ءمالىم ەتتى
«جاقىندا ۇكىمەت وتىرىسىندا كەزەكتى رەت ىشكى نارىققا بەنزيندى جەتكىزۋ ماسەلەسى تالقىلاندى. وزدەرىڭىز بىلەسىزدەر, ءبىزدىڭ نەگىزگى مۇناي وڭدەۋ زاۋىتتارىندا ءتيىستى جۇمىستار اياقتالۋعا تاياپ قالدى. 2018 جىلى مۇناي وڭدەۋدى 15 ميلليون تونناعا جەتكىزىپ, وسى ارقىلى ەلىمىزدە وتىن تاپشىلىعىن جويۋعا مۇمكىندىك جاسالادى», دەپ حابارلادى جاقساليەۆ.
ونىڭ سوزىنە قاراعاندا, بۇگىندە نارىققا بەنزيندى جەتكىزۋدى تۇراقتاندىرۋ ماقساتىندا «قازمۇنايگاز» رەسەيدەن وتىندى قاجەتتى كولەمدە ساتىپ الدى. ۆيتسە-ءمينسيتردىڭ ايتۋىنشا, رەسەيدە وتىن باعاسى قازاقستانمەن سالىستىرعاندا قىمباتىراق. وسى ورايدا قمگ شىعىندارعا تاپ بولۋدا.
«قازىرگى كەزدە بەنزينگە بەلگىلى ءبىر دەڭگەيدە باعانىڭ ءوسۋى ورىن الۋدا. بۇل تۇرعىدا اي-92 ماركالى بەنزيننىڭ ءليترى 165 تەڭگە دەڭگەيىندە بولادى دەپ پايىمدايمىز. بەنزين جەتكىزۋدە داعدارىستىق قۇبىلىستىڭ تومەندەۋىنە قاراي, ۇسىنىس كولەمى ارتىپ, باعا تومەندەيتىن بولادى», دەدى ۆيتسە-مينيستر.
اپتانىڭ باسىندا وتكەن ۇكىمەت وتىرىسىندا قر ەنەرگەتيكا ءمينيسترى قانات بوزىمباەۆ قازان-قاراشا ايلارىندا اي-92 ماركالى بەنزيننىڭ باعاسى 160-161 تەڭگە بولۋى ءتيىس ەكەنىن ايتقان بولاتىن. بۇدان بولەك, مينيستر تاياۋ ۋاقىتتا ەلىمىزدە بەنزين تاپشىلىعى بولمايتىندىعىنا سەندىردى.