بۇدان بۇرىن حابارلاعانىمىزداي, ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ پەن قىرعىز رەسپۋبليكاسى پرەمەر-ءمينيسترى ساپار يساكوۆ شاعىن جانە كەڭەيتىلگەن وتىرىستا شەكارا, ترانسپورت, فيتوسانيتارلىق جانە ۆەتەرينارلىق باقىلاۋ, ەەو, دسۇ ەرەجەلەرى مەن نورمالارىنا ساي كەدەن جانە سالىق اكىمشىلىگىن جۇرگىزۋ بويىنشا سۇراقتار قاراستىرىلدى.
پرەمەر-مينيستر باقىتجان ساعىنتاەۆ "قازاقستان رەسپۋبليكاسىنىڭ پرەزيدەنتى ايتقانداي, باۋىرلاس مەملەكەتتەر اراسىنداعى قارىم-قاتىناس ناتيجەلى جانە ءوزارا ءتيىمدى ىنتىماقتا ۇلگى بولۋى ءتيىس", دەپ اتاپ ءوتتى.
ءوز كەزەگىندە قىرعىزستان پرەمەر-ءمينيسترى ساپار يساكوۆ قىرعىز تاراپىنان سالماقتى دەلەگاتسيانىڭ كەلگەنىن اتادى.
"قىرعىزستان پرەمەر-ءمينيسترى رەتىندە كونسترۋكتيۆتى جۇمىس ىستەۋگە بەيىلدىمىن", دەدى ول.
كەلىسسوزدەر ناتيجەسىندە تاراپتار جەكە جۇگى بار فيزيكالىق تۇلعالار ءۇشىن قازاق-قىرعىز شەكاراسىنداعى ءتارتىپتى, جولاۋشىلار اۆتوبۋسىمەن, جەڭىل جانە بوس جۇك اۆتوترانسپورت قۇرالدارىن تۇراقتى قامتاماسىز ەتۋگە كەلىستى. ودان بولەك, ەكى ەلدىڭ پرەمەر-مينيسترلەرىنىڭ توراعالىعىمەن ەكونوميكالىق قاتىناستاردىڭ ماڭىزدى سۇراقتارى بويىنشا بىرلەسكەن "جول كارتاسىن" ازىرلەۋگە جۇمىس توبىن قۇرۋ شەشىمى قابىلداندى.