وبلىستان سەمەيگە قاراي شىعاتىن ۇلكەن جولدىڭ بويىندا اۋىلدار كوپ. سولاردىڭ ءبىرى – قىزىلقوعام دەگەن اۋىل. سول اۋىلدىڭ تۇرعىنى ەرلان قالەل ۇلى ءۇيىنىڭ اۋلاسىن كەڭەيتۋ ءۇشىن, جەر قازىپ دىڭگەك ورناتپاقشى بولادى. ءسويتىپ ءجۇرگەندە ول كەنەتتەن, ادامنىڭ باس سۇيەگىن كورىپ قالادى. دەرەۋ اۋداندىق اكىمدىككە دە حابارلاسىپ, بولعان جايدى ايتادى.
سول كۇنى لەبياجى اۋدانىندا جولساپاردا جۇرگەن بىزدەر دە كورشى اۋىلدا بولعان جايدى ەستىپ, سول جەرگە بارعانبىز. ءوزىمىز دە كۋا بولدىق. قانشاما جىل ساقتالعان ادام دەنەسى مەن اۋزى جابىق قۇمىرا ەرلاننىڭ اۋلاسىندا جاتىپتى. وبلىس ورتالىعىنان ۆ.مەرتس باستاعان ارحەولوگ عالىمدار كەلىپ, تابىلعان ادام مەن قۇمىرانى جەر بەتىنە سول قالپىندا شىعارۋ ءۇشىن ارى قاراي قازبا جۇمىستارىن باستاپ كەتتى.
فاريدا بىقاي.
پاۆلودار وبلىسى.