قىتاي كوممۋنيستەرىنىڭ XlX سەزى بۇگىن بەيجىڭ ۋاقىتىمەن تاڭعى ساعات 9.00-دە باستالدى. 2300-دەن استام دەلەگاتتىڭ الدىندا بايانداما جاساعان پارتيا باسشىسى سي تسزينپين قۇرىلتايدا كوتەرىلەتىن باستى تاقىرىپتاردى اتاپ ءوتتى.
قىتاي باسشىسى ءبىر سəتكە دە العا قويعان ۇلى ماقساتتان, ياعني قىتايعا عانا تəن سوتسياليستىك دامۋ جولىنان تايماي, ورتا دəۋلەتتى قوعامدى قالىپتاستىرۋعا كۇش سالۋ جəنە ەش كۇمəنسىز جۇڭعو حالقىنىڭ ارمانى بولعان قىتاي ۇلتىنىڭ جاڭعىرۋى تۋرالى ايتىپ ءوتتى.
– وسى ماقساتقا جەتۋ جولىندا ءəربىر كوممۋنيست وزگەرىستەردەن بوي تارتپاي, يننوۆاتسيامەن اينالىسىپ, ءبىر ورىندا تۇرىپ, كونەرىپ قالۋدان ساقتانىپ, تۇپكى ماقساتقا جەتۋگە كۇش سالۋى ءتيىس. قازىرگى ۋاقىتتا قىتاي ەكونوميكاسى əلەمدەگى الدىڭعى ورىنداردى ۇستاپ, جەتىستىگىنەن اينىماي كەلەدى. ىشكى جالپى ءونىم 54 ترلن قىتاي يۋانىنەن 80 ترلن يۋانگە كوتەرىلىپ, əلەم ەكونوميكاسىنا قوسقان جۇڭعو جۇرتىنىڭ ۇلەسى 30 پايىزعا ارتتى. بۇعان دەيىنگى قۇرىلتايمەن ارادا ەلدە 1500-گە تارتا رەفورمالىق شارا جۇزەگە اسىرىلدى. كەدەيلىكپەن كۇرەستىڭ قارقىندى جۇرگىزىلۋىنىڭ ارقاسىندا 60 ملن ادام ونىڭ قۇرساۋىنان شىقتى. كەدەيلىك كورسەتكىشى 10,2 پايىزدان 4 پايىزعا تومەندەدى. ءبىز ءۇشىن ادامدار بويىندا قاناعاتتانعاندىق سەزىمى ورناۋى ماڭىزدى, – دەدى بايانداماسىندا سي تسزينپين.
قىتاي باسشىسىنىڭ ايتۋىنشا, ۇلى ارمانعا جەتۋ ءۇشىن ۇلى كۇرەس كەرەك. جۇڭعو جۇرتىن ءوز يدەيالارىنا ەرتكەن كوممۋنيستىك پارتيا بۇگىنگى زاماننىڭ قاتەرلەرىنە, ءىرى تəۋەكەلدەرىنە قارسى تۇرىپ قايشىلىقتاردى جەڭە ءبىلۋى ءتيىس. پارتيا العا قويعان مىندەتتەردىڭ كوپ جىلدارعا باعىتتالعانىن, ونىڭ قيىندىعىن, كوپ تەر توگۋدى قاجەتتىگىن ءبىلىپ ۇلى ماقساتقا, ۇلى ارمانعا جەتۋدە ۇلى باعدارلاما قاجەتتىگىن بىلەدى. سوندىقتان پارتيا قۇرىلىسىنىڭ جاڭا باعدارلاماسى ۇسىنىلىپ وتىر, دەدى ول.
انار تولەۋحانقىزى,
«ەگەمەن قازاقستان»,
بەيجىڭ, قحر