سيريالىق كۇردتەر مەن اراب كۇشتەرىنىڭ اليانسى «يسلام مەملەكەتىنىڭ» استاناسى اتانعان راككا قالاسىن تولىق باقىلاۋعا الدى دەپ مالىمدەدى. سيريانىڭ دەموكراتيالىق كۇشتەرىنىڭ وكىلى تالال سەللو (SDF) بەس ايعا سوزىلعان راككا ۇرىسى اياقتالدى دەپ حابارلادى.
«ەندىگى قادام اۋماقتى مينادان تازارتۋ بولماق», دەدى ول. قالانى بوساتۋ مەن ءۇش جىلدىق باسقىنشىلىقتىڭ اياقتالعانى جونىندەگى رەسمي مالىمدەمە تاياۋ ارادا جاريالانباق. SDF كۇشتەرى وسى سەيسەنبى قالا ستاديونى مەن ۇلتتىق گوسپيتالدى يم جاۋىنگەرلەرىنەن ازات ەتكەن بولاتىن. رەيتەر اگەنتتىگىنىڭ حابارلاۋىنشا, ۇلتتىق قورعانىس كۇشتەرى مەن كۇرد جاساقتارى, سيريانىڭ دەموكراتيالىق كۇشتەرىنىڭ وكىلدەرى وزدەرىنىڭ جالاۋلارىن ستاديونعا تىگىپ, كوشەدە مەرەكەلەگەن.
15 مىڭعا جۋىق اليانس ساربازى اقش اۆياتسيا جانە ارنايى جاساق جاردەمىمەن, سونداي-اق ولاردىڭ وداقتاستارىمەن بىرىگىپ راككانى بوساتۋعا بىلتىر قاراشا ايىندا كىرىسكەن بولاتىن.
سيريادا التىنشى جىلعا جالعاسىپ جاتقان قارۋلى جانجالدان جارتى ميلليونعا جۋىق ادام قازا تاۋىپ, ميلليونداعان تۇرعىن ءۇي-جايىن تاستاپ, باسساۋعالاپ كەتۋگە ءماجبۇر بولعان.