قر پرەزيدەنتى نۇرسۇلتان نازارباەۆ قازاقستان مەن سەربيا اراسىنداعى, سونداي-اق ەۋرازيالىق ەكونوميكالىق وداققا مۇشە مەملەكەتتەر اراسىنداعى كەلىسىمدەردى راتيفيكاتسيالاۋ تۋرالى بىرقاتار زاڭعا قول قويدى. بۇل تۋرالى اقوردانىڭ ءباسپاسوز قىزمەتى حابارلايدى.
مەملەكەت باسشىسى تومەندەگى زاڭدارعا قول قويدى:
— «قازاقستان رەسپۋبليكاسى مەن سەربيا رەسپۋبليكاسى اراسىنداعى سوتتالعان ادامداردى بەرۋ تۋرالى كەلىسىمدى راتيفيكاتسيالاۋ تۋرالى»;
— «قازاقستان رەسپۋبليكاسى مەن سەربيا رەسپۋبليكاسى اراسىنداعى قىلمىستىق ىستەر بويىنشا قۇقىقتىق كومەك تۋرالى شارتتى راتيفيكاتسيالاۋ تۋرالى»;
— «قازاقستان رەسپۋبليكاسى مەن سەربيا رەسپۋبليكاسى اراسىنداعى ۇستاپ بەرۋ تۋرالى شارتتى راتيفيكاتسيالاۋ تۋرالى»;
— «ەۋرازيالىق ەكونوميكالىق وداققا مۇشە مەملەكەتتەر اراسىنداعى قىزمەتتىك جانە ازاماتتىق قارۋدى وتكىزۋ تۋرالى كەلىسىمدى راتيفيكاتسيالاۋ تۋرالى».
زاڭداردىڭ ءماتىنى باسپاسوزدە جاريالانادى.