...كوكونىس قويماسى ىسكە قوسىلدى
وبلىس ورتالىعىندا ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا سىيىمدىلىعى 3 000 توننالىق التى سەكتسيالى جاڭا كوكونىس كويماسى پايدالانۋعا بەرىلدى. قۇرىلىس نىسانىن سالعان «كيليكو-تۋن» جشس ديرەكتورى باۋىرجان ايتمۇحامبەتوۆتىڭ ايتۋىنشا, كوكونىس قويماسى توڭازىتقىش, جەلدەتكىش قۇرال-جابدىقتارمەن, ميكروكليمات جاساۋ, قاشىقتىقتان باسقارۋ, سۇرىپتاۋ, وراۋ تەحنيكالارىمەن, ترانسپورتەرلەرمەن جاراقتاندىرىلعان.
كوكونىس قويماسىن پايدالانۋعا بەرۋگە 235,0 ميلليون تەڭگە ينۆەستيتسيا جۇمسالدى. مۇندا 13 جۇمىس ورنى اشىلدى. قازىر قويماعا 1500 توننا پياز, 600 توننا كارتوپ ساقتاۋعا قويىلدى.
ساتىبالدى ءساۋىرباي. اقتوبە وبلىسى.
* * *
...اكىمگە جۇمىس كوپ
نۇرلان كۇلجان وبلىس اكىمى باقىتجان ساعىنتاەۆتىڭ وكىمىمەن جانە اۋداندىق ءماسليحاتتىڭ كەلىسىمىمەن قاشىر اۋدانىنىڭ اكىمى بولىپ تاعايىندالدى. نۇرلان مۇقاتاي ۇلى باياناۋىلدىق, سەمەيدە وقىعان, اسكەر قاتارىندا بولعان, اۋىلدا ەڭبەك ەتكەن. ءبىر سوزبەن ايتقاندا, ابدەن ىسىلعان, ءومىر كورگەن جىگىت. مەملەكەتتىك باسقارۋ ورىندارىندا جۇمىس ىستەگەن, پرەزيدەنت اكىمشىلىگى ۇيىمداستىرۋ جۇمىستارى ءبولىمىنىڭ ساراپشىسى بولعان. بەس جىل ەكىباستۇز قالاسى اكىمىنىڭ ورىنباسارى قىزمەتىن اتقاردى.
ال قاشىردا ىستەيتىن جۇمىستار جەتكىلىكتى. ماسەلەن, باتپاقكول اۋىلى جارىقسىز وتىر...
فاريدا بىقاي. پاۆلودار وبلىسى.
* * *
...ءفيلمنىڭ اتى – «ستۋدەنتتىك كەز»
اتىراۋدا وتكەن جىلدان بەرى جاستارعا ارنالعان كومەديا جانرىنداعى فيلم ءتۇسىرىلۋدە دەگەندى ەستىگەن ەدىك. تاياۋدا «ستۋدەنتتىك كەز» دەپ اتالاتىن جاڭا ءفيلمنىڭ تۇساۋكەسەرى ءوتتى. بۇل – مۇنايلى ءوڭىر جاستارىنىڭ قاتىسۋىمەن جانە اتىراۋ قالاسىندا ءتۇسىرىلگەن تۇڭعىش كينوتۋىندى.
اتالعان كومەديالىق تۋىندىنىڭ اۆتورى – تايماس ساپارالى. ول ءفيلمنىڭ ستسەناريىن ءوزى جازىپتى. رەجيسسەرلىكتى ءوزى اتقارعان. كامەراعا دا ءوزى ءتۇسىرىپ, مونتاجدى دا ءوزى جاساپتى. وسىنىڭ ءبارى 4 ايدا دايىن بولعان. فيلمدە نەگىزىنەن ستۋدەنت جاستاردىڭ ءومىرى قامتىلاتىندىقتان, ونى «ستۋدەنتتىك كەز» دەپ اتاپتى.
جولداسبەك شوپەعۇل. اتىراۋ.