باتىس قازاقستان وبلىستىق سوتىنىڭ توراعاسى بەك امەتوۆ وبلىستىق سوتتىڭ القا توراعالارى مەن سۋديالارى, اۋداندىق, قالالىق جانە مامانداندىرىلعان سوتتاردىڭ توراعالارىنىڭ قاتىسۋىمەن وبلىس سوتتارىنىڭ 2017 جىلدىڭ 9 ايىنداعى جۇمىس قورىتىندىسىنا ارنالعان كەڭەيتىلگەن كەڭەس وتكىزدى. بۇل تۋرالى باتىس قازاقستان وبلىستىق سوتى كەڭسەسىنىڭ اقپاراتتىق قامتاماسىز ەتۋ ءبولىمى حابارلاندى.
جالپى وتىرىستى وبلىستىق سوتتىڭ توراعاسى ب.امەتوۆ كەزەننىڭ سوت تورەلىگىن اتقارۋ جانە ىستەردى قاراۋ بارىسىندا زاڭدىلىقتى ساقتاۋ جونىندەگى نەگىزگى قورىتىندىلارىمەن تانىستىردى. سوت تورەلىگىن ىسكە اسىرۋ ساپاسىن جاقسارتۋ قاجەتتىلىگىنە, ىستەردىڭ قاراۋ مەرزىمدەردەرىن ساقتاۋ, سوت وتىرىستارىنىڭ ۋاقىتىلى باستالۋى, سونداي-اق داۋلاردى شەشۋ بويىنشا بالامالى ادىستەرىن قولدانىلۋىن كەڭەيتۋ ماسەلەلەرىنە ەرەكشە نازار اۋداردى
9 ايداعى ازاماتتىق جانە اكىمشىلىك ىستەر بويىنشا سوت تورەلىگىن اتقارۋدىڭ جاعدايى تۋرالى ازاماتتىق ىستەر جونىندەگى سوت القاسىنىڭ توراعاسى قايرات ادرانوۆ باياندادى. كەڭەس بارىسىندا القا توراعاسى ءبىرىنشى جانە اپەللياتسيالىق ساتىداعى سوتتاردىڭ ازاماتتىق جانە اكىمشىلىك ىستەردى قاراۋى بويىنشا ستاتيستيكالىق مالىمەتتەردى اتادى.
وبلىستىق سوتتىڭ سۋدياسى, بقو بويىنشا سۋديالار ادەبى جونىندەگى كوميسسيانىڭ توراعاسى حابيبوللا امانقۇلوۆ كوميسسيانىڭ جۇمىسى تۋرالى بايانداسا, وبلىس سوتتارىنىڭ بۇقارالىق اقپارات قۇرالدارىمەن جۇمىسى تۋرالى وبلىستىق سوتتىڭ سۋدياسى ەسەنباي بورانباەۆ حابارلادى.
سونداي-اق كەڭەس بارىسىندا اۋداندىق جانە وعان تەڭەستىرىلگەن سوتتاردىڭ توراعالارى ءوز باياندامالارىن جاسادى ونىمەن قاتار ەسەپتى كەزەڭدە سوتتارمەن جەبەرىلگەن كەمشىلىكتەر تالقىلانىپ, ولاردى شەشۋ جولدارى كەلتىرىلدى.
كەڭەيتىلگەن كەڭەستىڭ قورىتىندىسى بويىنشا وبلىستىق سوتىنىڭ توراعاسى سۋديالار كورپۋسىنا ارىقاراي سوت تورەلىگىن اتقارۋدى جەتىلدىرۋ جانە سوت جۇيەسىن جاڭعىرتۋ بويىنشا ەلباسى جانە جوعارعى سوتتىڭ توراعاسى ايقىنداپ بەرگەن بىرقاتار مىندەتتەردى العا قويدى.