قىتاي مەن قازاقستاننىڭ بىرلەسىپ تۇسىرىلگەلى جاتقان العاشقى ءفيلمنىڭ جۇمىستارى قىتايدىڭ سولتۇستىك-باتىسىنداعى يانان قالاسىندا باستالدى. بۇل تۋرالى سينحۋا اگەنتتىگى حابارلادى.
«كومپوزيتور» ءفيلمى 20 عاسىردا ءومىر سۇرگەن قىتايلىق كومپوزيتوردىڭ ءومىربايانى تۋراسىندا ءوربيدى. شىعارمادا ونىڭ جولداسى سازگەر باقىتجان بايقاداموۆپەن دوستىعى كورسەتىلەدى.1941 جىلى ەكىنشى دۇنيەجۇزىلىك سوعىس باستالعان تۇستا سيان قازاقستاننىڭ الماتى قالاسىندا قالىپ قالادى. قيىن-قىستاۋ كەزەڭدى باسىنان وتكەرگەن كومپوزيتورعا باقىتجان كومەك بەرىپ, دوستىقتىڭ ۇزدىك ۇلگىسىن كورسەتەدى.
فيلم رەجيسسەرىنىڭ سوزىنشە, اكتەرلىق قۇرامدا قىتايلىق اكتەر حۋ تسزيۋن, قازاقستاندىق بەرىك ايتجانوۆتار بار. اتالعان جۇمىستار ء«بىر بەلدەۋ, ءبىر جول» باستاماسى شەڭبەرىندە ىسكە اسىرىلماق.
قازاقستاننىڭ ەڭبەك سىڭىرگەن ونەر قايراتكەرى باقىتجان بايقاداموۆ كوپ داۋىستى حور مۋزىكاسى جانرىن قالىپتاستىرۋدا ەرەكشە ەڭبەك ەتتى. «جايلاۋعا», ء«بىز بەيبىتشىلىك ءۇشىن» سياقتى وزگە دە حورعا ارنالعان سيۋيتالار, ۆوكالدىق كومپوزيتسيالار, حورعا ارنالعان كولەمدى پوەمالار («قىز ارمانى», «ايتىس», «ەڭبەك جەمىسى») جازدى. فيزيكا, ماتەماتيكا, مۋزىكا تەورياسى سالاسىنداعى ءبىلىمىن ۇلتتىق مۋزىكا اسپاپتارىن جەتىلدىرۋ ماقساتىنا پايدالانىپ, دومبىرانىڭ ۇندىلىگىن ارتتىراتىن جاڭا ولشەمدەر جاساپ شىقتى. كوپشىلىككە تانىمال بولعان «ايگۇل» ءانسامبلىن ۇيىمداستىرىپ, ەسترادالىق جانردىڭ دامۋىنا دا ات سالىستى.
ايا ءومىرتاي,
«ەگەمەن قازاقستان»