جارقىراعان جاڭا مەشىت وبلىس ورتالىعىنىڭ سولتۇستىك جاق كىرەبەرىسىندە ورنالاسقان. ەرەكشە ساۋلەتىمەن قالا كوركىنە ءسان بەرەدى. ايگىلى ءتورت حاليفانىڭ ءبىرى, ومار حازرەتتىڭ قۇرمەتىنە «ۋمار ءال-فارۋق» دەلىنگەن.
بۇل وڭىردەگى 99-شى مەشىت, قۇرىلىسى ءبىر جىل بۇرىن باستالعان-دى. استانادان كەلگەن ەلىمىزدىڭ مۇسىلماندار ءدىني باسقارماسىنان كەلگەن وكىل ساعيتجان قاجى داۋلەتيار جاڭا مەشىتتىڭ اشىلۋىندا بۇل مەشىتتىڭ اشىلۋى جاماعات ءۇشىن قۋانىش. مەشىت-جاماعاتىمەن كورىكتى. مەشىتكە سىيماي جاتقان بولساڭىزدار, ەرتەڭ ودان دا كوبەيە بەرىڭىزدەر,- دەدى.
ورتالىق ءماشھۇر ءجۇسىپ مەشىتىنىڭ يمامى ناريمان يسەن جۇرتشىلىقتى مەشىتتىڭ اشىلۋىمەن قۇتتىقتادى. مەشىت كىتاپحاناسىنا قۇران كارىمدى تارتۋ ەتتى. «ومار ءال-فارۋق» مەشىتىنىڭ بوي كوتەرۋىنە ۇلەس قوسقان قالا اكىمى نۇرجان اشىمبەتوۆكە, كاسىپكەرلەر, اباي راقىمقوجا ۇلى, شۋحرات دانداي ۇلى, رومان سەرگەەۆيچ, سۇيىندىك جولامان ۇلى, گنەل مارتيروسوۆيچ, دميتري بوريسوۆيچ, جەڭىس-دامەتكەن بايبۋسينوۆتارعا العىس ءبىلدىردى. مەشىت اۋماعى ۇلكەن, ۇلكەن نامازحانا زالى, نەكە جانە يمامدار بولمەسى بار. كولىكتەرگە ارنالعان اۆتوتۇراق بولىنگەن.
مەشىتتىڭ اشىلۋ سالتاناتىنا جينالعان حالىق وسىندا بۇگىنگى جۇما نامازىن وقىدى. جۇرتشىلىققا جاڭادان يمام بولىپ تاعايىندالعان حاسان تاشاي ۇلى جۇما نامازىن جۇرگىزدى. نامازدان سوڭ جاڭا مەشىت قۇرمەتىنە ء «ماشھۇر ءجۇسىپ» ورتالىق مەشىتىندە اس بەرىلدى.
فاريدا بىقاي,
«ەگەمەن قازاقستان»
سۋرەتتى تۇسىرگەن امانتاي تويشىباي