بۇگىن قازاقستان حالقى اسسامبلەياسى جانىنداعى 1774 انالار كەڭەسى رۋحاني جاڭعىرۋ اياسىندا وڭتۇستىك قازاقستان وبلىسىندا باس قوستى, دەپ حابارلادى وقو اكىمىنىڭ ءباسپاسوز قىزمەتى.
شىمكەنت قالاسىنداعى قازاقستان ينجەنەرلى-پەداگوگيكالىق حالىقتار دوستىعى ۋنيۆەر¬سيتەتىندە جينالعان انالار «رۋحاني جاڭعىرۋ» باعدارلامالىق ماقالاسىن ىسكە اسىرۋداعى انالار كەڭەسىنىڭ ءرولىن تالقىلادى. جيىنعا قازاقستان حالقى اسسامبلەياسى توراعاسىنىڭ ورىن-باسارى, حاتشىلىق مەڭگەرۋشىسى دارحان مىڭباي, وڭتۇستىك قازاقستان وبلىسىنىڭ اكىمى جانسەيىت تۇيمەباەۆ, قر باس پروكۋراتۋراسى مەن قحا قىزمەتكەرلەرى, عالىمدار, رەسپۋبليكالىق قوعامدىق ۇيىمداردىڭ جەتەكشىلەرى, بارلىق وبلىستارداعى انالار كەڭەستەرىنىڭ ءتورايىمدارى قاتىستى.
باس قوسۋدا ءسوز العان وبلىس اكىمى ج.تۇيمەباەۆ جەر جۇزىندەگى بارلىق حالىقتىڭ ءوز الدىنا ۇلت بولىپ ۇيىسۋىنا, جەكە حالىق, ەگەمەن ەل, دەربەس مەملەكەت بولىپ قالىپتاسۋىنا ايەل-انالاردىڭ سىڭىرگەن ەڭبەگى وراسان ەكەنىن ايتتى.
«بۇگىندە ءبىزدىڭ قوعامداعى انالارىمىز ەلىمىزدە بولىپ جات¬قان بارلىق جاعىمدى جاڭالىقتارعا, قو¬عام¬داعى ومىرشەڭ وزگەرىستەرگە, يدەيالىق-ساياسي, الەۋمەتتىك-مادەني جۇمىستارعا, مەملەكەتى¬مىزدىڭ بۇكىل تىنىس-تىرشىلىگىنە بەلسەنە ارا¬لاسىپ وتىر. ستاتيستيكالىق مالى¬مەتتەرگە سۇيەنسەك, بىزدەگى جالپى مەم¬لەكەت¬تىك قىزمەتشىلەردىڭ تەڭ جارتىسىنان استامى ايەلدەردىڭ ۇلەسىنە تيەدى ەكەن. بۇل – ۇلكەن كورسەتكىش, جوعارى ناتيجە, جاقسى¬لىقتىڭ نىشانى. قازاقستان حالقى اسسامبلەياسى جانىنان انالار كەڭەسىن قۇرۋ ەلدىگىمىزگە ءتان, تاريحي داستۇرىمىزبەن تامىرلاس باستاما بولىپ تابىلادى. ويتكەنى, انانىڭ اق باتاسىمەن ەلدىڭ كوسەگەسى كوگەرگەن, ونىڭ ءبىر اۋىز سوزىمەن ەل ءىشىن الاتايداي بۇلدىرگەن نەبىر ونبەس داۋلارعا نۇكتە قويىلعان», - دەدى اكىم.
رەسپۋبليكالىق وتىرىستا مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعانداي, ۇلتتىق ءداستۇردى نەگىزگە الا وتىرىپ, وتباسى قۇندىلىقتارىن دارىپتەۋ, ۇرپاق تاربيەسىندەگى وزەكتى ماسەلەلەردى تالقىلاپ, ۇسىنىستار ازىرلەۋ, ۇرپاقتان ۇرپاققا جالعاسىپ كەلە جاتقان ءوزارا سىيلاستىق پەن تاتۋلىق, مەيىرىمدىلىك, بىرلىك پەن كەلىسىم سەكىلدى ەلدىگىمىزدىڭ تىرەگى بولعان قۇندىلىقتاردى كەڭىنەن ناسيحاتتاۋ جايى قارالدى.
ايتا كەتۋ كەرەك, بۇگىندە قازاقستان حالقى اسسامبلەياسى جانىندا كونسۋلتاتيۆتiك-كەڭەسشi ورگان رەتiندە وبلىستىق, اۋداندىق, اۋىلدىق دەڭگەيدە 1774 انار كەڭەسى جۇمىس ىستەۋدە. كەڭەستە 9234 ادام مۇشە بولىپ تابىلادى. ال, وڭتۇستىك قازاقستان وبلىستىق قازاقستان حالقى اسسامبلەياسى جانىندا 202 انالار كەڭەستەرى بار. 1130-دان استام مۇشەسى بار كەڭەس اجىراسۋدىڭ الدىن الۋ, وتباسىداعى ۇرپاق تاربيەسi, جاسوسپiرiمدەر اراسىنداعى قىلمىس پەن قۇقىقبۇزۋشىلىق سىندى وزەكتi ماسەلەلەر توڭiرەگiندە 640-تان استام iس-شارا ۇيىمداستىرىپ, بىرقاتار اۋقىمدى باستامالاردى قولعا الدى.