ماڭعىستاۋ وبلىسىنىڭ اكiمi ەرالى توعجانوۆ بوكستان الەم جانە وليمپيادا چەمپيوندارىمەن كەزدەستi. باسقوسۋعا وبلىسىمىزدىڭ سپورت ارداگەرلەرى مەن وسى سالادا ەڭبەك ەتىپ جۇرگەن قىزمەتكەرلەر جانە ۇزدىك سپورتشىلار, سونداي-اق, باسقارما باسشىلارى, باق وكىلدەرى قاتىستى, دەپ حابارلايدى egemen.kz تىلشىسىنە ماڭعىستاۋ وبلىسى اكىمىنىڭ ءباسپاسوز قىزمەتى.
-سىزدەر الەمدiك سپورت ارەناسىندا ەلiمiزدiڭ بەدەلiن ارتتىرۋدا ۇلكەن ۇلەس قوسىپ جاتىرسىزدار. ن.ءا.نازارباەۆ حالىقتىڭ دەنساۋلىعىنىڭ كەپىلى بۇقارالىق سپورتتى دامىتۋعا باسا ءمان بەرەدى. بۇقارالىق سپورت - ۇلت ساۋلىعىنىڭ كەپىلى. سوندىقتان, سىزدەردىڭ كورسەتكەن جەتiستiكتەرiڭىز ءوسiپ كەلە جاتقان جەتكiنشەكتەر ءۇشiن ايقىن مىسال. بيىك بەلەستەردى باعىندىرىپ, ەل اتىن شىعارۋ جولىندا ايانباي ەڭبەك ەتە بەرۋلەرىڭىزگە تىلەكتەسپىن, - دەدi وبلىس اكىمى ە.توعجانوۆ.
جيىنعا سەرىك ابدىناليەۆ, ەرماحان ىبرايىموۆ, باقتيار ارتاەۆ, قانات يسلام, ادىلبەك نيازىمبەتوۆ, بەرىك ءابدىراحمانوۆ, ەردوس جاڭابەرگەنوۆ, لەبزياك الەكساندر, رۋستام سايدوۆ سياقتى سپورت شەبەرلەرى قاتىسىپ, وبلىس اكىمىنە جاستارعا مول مۇمكىندىك جاساپ وتىرعانى ءۇشىن العىس ايتىپ, ءوڭىر باسشىسى ەرالى توعجانوۆقا بىلعارى قولعاپ سىيلادى.
بۇگىن اقتاۋدا ەلباسىنىڭ «رۋحاني جاڭعىرۋ» باعدارلاماسى اياسىندا بوكستان شوقىر بولتەك ۇلى اتىنداعى ح حالىقارالىق ءتۋرنيرىنىڭ سالتاناتتى اشىلۋى بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى