بۇگىن پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا قازاقستاندا ەلەكتروندى ءبىلىم بەرۋدى دامىتۋ ماسەلەلەرى قارالدى. وندا ەلەكتروندى ءبىلىم بەرۋدى ەنگىزۋ بويىنشا اقپاراتتىق-كوممۋنيكاتسيالىق سالاداعى مينيسترلىكتىڭ مىندەتتەرىن اقپارات جانە كوممۋنيكاتسيالار ءمينيسترى داۋرەن اباەۆ جەتكىزدى.
«ادامي كاپيتالدى دامىتۋ اكم ازىرلەپ جاتقان «تسيفرلى قازاقستان» مەملەكەتتىك باعدارلاماسىنىڭ جوباسىندا كورىنىس تاپتى. وسىلايشا, باعدارلاما تسيفرلاندىرۋدىڭ ارتىقشىلىقتارىن پايدالانۋ مۇمكىندىكتەرىن كەڭەيتۋگە قاجەتتى حالىقتىڭ داعدىلارى مەن قۇزىرەتتەرىن دامىتۋ ارقىلى كرەاتيۆتى قوعام قۇرۋدى, سونداي-اق ەكونوميكا سالالارى ءۇشىن اقپاراتتىق-كوممۋنيكاتسيالىق تەحنولوگيالار سالاسىنداعى ماماندار دايارلاۋدى قاراستىرادى», دەدى د.اباەۆ.
مينيستر ايتىپ وتكەندەي, باعدارلاما اياسىندا ءبىلىم جانە عىلىم مينيسترلىگى ەكونوميكا سالالارى ءۇشىن اقپاراتتىق-كوممۋنيكاتسيالىق تەحنولوگيالار سالاسىندا ماماندار دايارلاۋ ءۇشىن 8 ءىس-شارانى ىسكە اسىرۋ قاراستىرىلعان. اتالعان باعىتتاردى ىسكە اسىرۋ ءبىلىم بەرۋ جۇيەسى مەن جۇمىس بەرۋشىلەر اراسىندا بايلانىس ورناتۋ ءۇشىن مۇمكىندىكتەر اشادى, سونداي-اق ەكونوميكالىق دامۋدىڭ قۋاتتى قوزعاۋشى كۇشى رەتىندە وقۋ ورىندارىنىڭ ءرولىن كۇشەيتەدى.
مينيسترلىك بعم-مەن بىرگە حوستينگ قىزمەت كورسەتۋلەرى اياسىندا بعم-ءنىڭ اقپاراتتىق جۇيەلەرىن ۆيرتۋالدى سەرۆەرگە كوشىرۋ بويىنشا جۇمىس جۇرگىزىپ جاتىر, دەدى د. اباەۆ.
دينارا بىتىك, «ەگەمەن قازاقستان»