22 قازان كۇنى توكيو (جاپونيا) قالاسىندا ابسوليۋتتىك سالماق كاتەگورياسى بويىنشا شينكيوكۋشينكاي كاراتەدەن ح الەم چمپيوناتى باستالدى. تمد, ەۋروپا جانە جاپونيا ەلدەرىنىڭ كۇشتى كاراتەشىلەرى قاتىسىپ جاتقان بۇل چەمپيونات ءتورت جىلدا ءبىر رەت وتەدى.
قازاقستاندىق دەلەگاتسيانىڭ باسشىسى استانا قالالىق شينكيوكۋشينكاي كاراتە فەدەراتسياسىنىڭ پرەزيدەنتى, «نۇر وتان» حدپ استانا قالالىق فيليالى توراعاسىنىڭ ءبىرىنشى ورىنباسارى ءامىرحان راحىمجانوۆ.
ال الەم چەمپيوناتىنا مىنا سپورتشىلار قاتىسۋدا: ۆلاديمير ارتيۋشين (استانا) – قارا بەلبەۋ, 1 دان; ماريا گريدنەۆا (استانا) – قارا بەلبەۋ, 2 دان; سەرگەي لاپتەۆ (الماتى) – قىزىل قوڭىر بەلبەۋ; الەكسەي لەونوۆ (الماتى) – قارا بەلبەۋ, 2 دان; مەرەي ءسۇيىنوۆ (تالدىقورعان) – قارا بەلبەۋ, 1 دان; يليا ياكوۆلەۆ (وسكەمەن) – قارا بەلبەۋ, 1 دان.
چەمپيوناتقا قاتىسۋشىلار ءوز باپكەرلەرىمەن بىرگە مىقتى دايىندىق جاتتىعۋلارىن جۇرگىزدى. سونداي-اق, قازاقستان قۇراماسىنىڭ باس باپكەرى جانە رەسپۋبليكالىق فەدەراتسيانىڭ جەتەكشى باپكەرلەرىنىڭ باسشىلىعىمەن ءۇش كەزەڭنەن تۇراتىن جاتتىعۋ-ماشىقتانۋ جيىنى وتكىزىلدى. جيىنداردىڭ ءبىرىنشى كەزەڭى شىلدە ايىندا استانا قالاسىندا, ەكىنشىسى تامىز ايىندا ءوسكەمەن قالاسىندا جانە قورىتىندى ءۇشىنشى كەزەڭى قازاندا الماتى قالاسىندا ۇيىمداستىرىلدى.
قازاقستان وسى جەكپە-جەك ءتۇرى بويىنشا الەمنىڭ ون ۇزدىك ەلىنىڭ قاتارىنا كىرەدى.
«ەگەمەن-اقپارات».