قاراعاندى مەملەكەتتىك مەديتسينالىق ۋنيۆەرسيتەتىنىڭ شاقىرتۋىمەن وڭىرگە شەبەرلىك سىنىبىن وتكىزۋ ءۇشىن كۇنشىعىس ەلىندەگى سيمانە ۋنيۆەرسيتەتىنىڭ پروفەسسورى يوشيحيرو نوسو كەلدى.
ۋنيۆەرسيتەتتىڭ مەديتسينالىق ورتالىعىندا «حيرۋرگيا جانە ونكولوگياداعى يننوۆاتسيالىق تەحنولوگيالار» تاقىرىبىندا وتكەن شەبەرلىك-سىنىبىنا ينتەرن-دارىگەرلەر مەن حيرۋرگيا سالاسىنىڭ رەزيدەنتتەرى قاتىستى.
بۇگىندە لاپاروسكوپيالىق وتالار 3D رەجىمدە ەڭ جاڭا شەتەلدىك قۇرىلعىلارمەن جاسالۋدا.
– 3D ەكرانى بار, ءىش قۇرىلىسىنىڭ اۋقىمدى بەينەسىن كورسەتەتىن تەحنولوگيا كەز كەلگەن كلينيكادا بولا بەرمەيدى. مەن سىزدەردىڭ قۇرىلعىلارىڭىزعا تاڭ قالىپ وتىرمىن, مەديتسينالىق ورتالىقتارىڭىز وتە جاقسى جابدىقتالعان, – دەپ باعالادى جەرگىلىكتى ورتالىقپەن تانىسقان يوشيحيرو نوسو.
جاڭا تەحنولوگيالار مەديتسينا قىزمەتكەرلەرىنىڭ مۇمكىندىكتەرىن كەڭەيتىپ وتىر.
– لاپاروسكوپيالىق وتالاردىڭ بەلگىلى شەكتەۋلەرى بولادى, ءبىز وپەراتسيا بارىسىندا ورگانداردىڭ قانشالىقتى تەرەڭ ورنالاسقانىن كورە المايمىز. ال 3D رەجىم نەمەسە ستەرەو-رەجىم بۇل كەمشىلىكتى جويادى دەپ ايتۋعا بولادى, – دەدى قممۋ № 2 حيرۋرگيالىق اۋرۋلار كافەدراسىنىڭ مەڭگەرۋشىسى ەرمەك تۇرعۇنوۆ.
ميراس اسان,
«ەگەمەن قازاقستان»
قاراعاندى