اقمولا وبلىسىنداعى «نۇر وتان» پارتياسى لاتىن الىپبيىنە كوشۋدى قولدايدى

اقمولا وبلىسى ىشكى ساياسات باسقارماسىنىڭ وڭىر­لىك كوممۋنيكاتسيالار قىزمەتى «نۇر وتان» پارتياسىنىڭ وبلىستىق فيليالىنىڭ ءباسپاسوز قىز­مەتىنە سىلتەمە جاساي وتىرىپ تاراتقان اقپاراتىندا پرەزيدەنتتىڭ باعدارلامالىق ماقالاسى جاڭا يدەو­لوگيالىق قۇجات ەكەندىگى ەرەكشە اتالعان. بۇل رەتتە­ «نۇر وتان» پارتياسىنىڭ اقمولا وبلىستىق فيليا­لى توراعاسىنىڭ ءبىرىنشى ورىنباسارى عالىم بەك­ماعامبەتوۆ بىلاي دەيدى: «بولاشاققا باعدار: رۋحاني جاڭعىرۋ» باعدارلامالىق ماقالاسىندا مەملەكەت باسشىسى لاتىن الىپبيىنە اۋىسۋدىڭ جوسپارىن ۇسىندى, رەسپۋبليكانى لاتىن الىپبيىنە كوشىرۋ – بۇل ۋاقىت تالابى». شىنىندا دا قازىر تەحنولوگيا مەن يننوۆاتسيا تەك لاتىن تىلىندە تارايتىندىقتان ەل­باسى دا ءوز ماقالاسىندا مۇنى ناقتى جازعان: «لا­تىنشاعا كوشۋدىڭ تەرەڭ لوگيكاسى بار. بۇل قازىرگى زا­مانعى تەحنولوگيالىق ورتانىڭ, كوممۋنيكاتسيانىڭ, سون­داي-اق  ءححى عاسىرداعى عىلىمي جانە ءبىلىم بەرۋ پرو­تسەسىنىڭ ەرەكشەلىكتەرىنە بايلانىستى. مەكتەپ قا­بىرعاسىندا بالالارىمىز اعىلشىن ءتىلىن وقىپ, لاتىن ارىپتەرىن ونسىز دا ۇيرەنىپ جاتىر. سوندىقتان, جاس بۋىن ءۇشىن ەشقانداي قيىندىق, كەدەرگىلەر بول­ماق ەمەس», – دەيدى نۇرسۇلتان ءابىش ۇلى.

اقمولا وبلىسى ارداگەرلەر كەڭەسىنىڭ توراعاسى عوسمان تولە­عۇل دا ءوز سوزىندە ستاتيستيكاعا جۇگىنە وتى­رىپ, الەم حالىقتارىنىڭ 80 پايىزى لاتىن ءالىپ­بيىن پايدالاناتىندىعىن العا تارتتى. «الەمدىك اق­پاراتتىڭ باسىم بولىگى سونىڭ كومەگى ارقىلى جا­سالادى, ياعني بۇكىل ادامزات قازىرگى زامانعى تەحنولو­گيالاردى يگەرۋ, وركەنيەتتى قارىم-قاتىناستاردى قا­لىپ­تاستىرۋ ءۇشىن وسى جالپى قابىلدانعان گرافيكانى مەڭگەرۋگە ۇمتىلادى», – دەدى ول. 2018 جىلدان باستاپ جاڭا ءالىپبيدى ۇيرەتەتىن مامانداردى جانە ورتا مەكتەپتەرگە ارنالعان وقۋلىقتاردى دايىنداۋعا كىرى­سۋ تۋرالى ناقتى تاپسىرمالار بەرگەن بولاتىن. ويت­كەنى مۇنداي اۋقىمدى مىندەتتەردى جۇزەگە اسىرۋ دا وڭاي شارۋا ەمەسى تاعى تۇسىنىكتى. بۇل ورايدا فيلولوگيا عىلىمدارىنىڭ كانديداتى بەردىباي شالاباي قۇزىرەتتى اقپارات جۇمىسىنىڭ قاجەتتىلىگىن كولدەنەڭ تارتتى. پروفەسسوردىڭ پايىمىنشا, لاتىن الىپبيىنە وتۋگە ناقتى ازىرلىك قاجەت. «الەمدە لاتىن گرافيكاسى باستى ورىنداردا بولدى جانە سولاي قالىپ وتىر. بۇگىنگى كۇننىڭ شىندىقتارى قازاقستاندى تاريحي تۇرعىدان جاقىن تۇركىتىلدەس ەلدەرمەن سەنىمدى ما­دەني-ساياسي قاتىناستار ورناتۋدى تالاپ ەتەدى», – دەيدى ب.شالاباي. تالقىلاۋ بارىسىندا وزگە دە قاتىسۋشىلار تاراپىنان بىرقاتار ويلار ايتىلىپ, پىكىر­لەر ورتاعا سالىندى.

وسىلايشا «نۇر وتان» پارتياسىنىڭ وبلىس­تىق فيليالىندا باس قوسقان اقمولا وبلىسى دەمو­كراتيالىق كۇشتەرىنىڭ كواليتسياسى مۇشەلەرى پرەزي­دەنتتىڭ باعدارلامالىق ماقالاسىنا جانە قازاق الىپ­بيىنەن لاتىنعا كوشۋ جوباسىنا ءبىراۋىزدان قولداۋ ءبىلدىردى.

اسقار تۇراپباي ۇلى,

«ەگەمەن قازاقستان»

اقمولا وبلىسى