ماقتارال اۋدانىندا مەملەكەتتىك كورسەتىلەتىن قىزمەتتەردىڭ ساپاسىن جانە ەلەكتروندى تۇردە كورسەتىلەتىن قىزمەتتەر ۇلەسىن ارتتىرۋ جونىندەگى ءماجىلىس ءوتتى. اۋدان اكىمى اپپاراتىنىڭ باسشىسى ب.تەگەمباەۆ جۇرگىزەن جيىنعا قالا, كەنتتەر, اۋىلدىق وكرۋگتەر اكىمدەرى, اۋداندىق قىزمەت ۇسىنۋشى بولىمدەردىڭ باسشىلارى, حالىقتى جۇمىسپەن قامتۋ ورتالىعىنىڭ قىزمەتكەرلەرى جانە قىزمەت الۋشى تۇرعىندار جيىنعا قاتىستى. بۇل تۋرالى ماقتارال اۋدانى اكىمىنىڭ ءباسپاسوز قىزمەتى حابارلادى.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وقو بويىنشا دەپارتامەنتىنىڭ «مەملەكەتتىك كورسەتىلەتىن قىزمەتتەر» باسقارماسىنىڭ باس مامانى, توپ جەتەكشىسى سارعالداقوۆ نۇرجان قىدىرباي ۇلى, «مەملەكەتتىك كورسەتىلەتىن قىزمەتتەر» باسقارماسىنىڭ باس مامانى جۇماقۇلوۆ ارمان باباقۇل ۇلى, حالىققا قىزمەت كورسەتۋ ورتالىعى ماقتارال اۋداندىق ءبولىمى باسشىسىنىڭ ورىنباسارى قاسىمبەك نۇرجان ءانۋار ۇلى بايانداما جاساپ, مەملەكەتتىك كورسەتىلەتىن قىزمەتتەرگە قاتىستى كوپتەگەن جاڭالىقتارمەن جيىنعا قاتىسۋشىلاردى حاباردار ەتتى.
اۋدان اكىمى اپپاراتى ۇيىمداستىرۋ-ينسپەكتورلىق ءبولىمىنىڭ باس ينسپەكتورى تۇرىمبەتوۆ ەرلان ابدىباقىت ۇلىنىڭ ايتۋىنشا, ماقتارال اۋدانى اكىمدىگىنىڭ دەربەس بولىمدەرى, قالا, كەنتتەر مەن اۋىلدىق وكرۋگتەرى اكىمدەرىمەن اعىمداعى جىلدىڭ 6 ايىندا قر ۇكىمەتىنىڭ «مەملەكەتتىك كورسەتىلەتىن قىزمەتتەر تىزىلىمىنە» سايكەس 91 قىزمەت ءتۇرi كورسەتiلگەن. 2017 جىلدىڭ 6 ايىندا – 206 877 مەملەكەتتىك قىزمەت كورسەتىلىپ, ونىڭ ىشىندە قاعاز جۇزىندە, تىكەلەي – 182 887 قىزمەت, «ازاماتتار ءۇشىن ۇكىمەت» مەملەكەتتىك كورپوراتسيالارى تسوندار ارقىلى – 11 974 (6%), قىزمەت ەلەكتروندى ۇكىمەتتىڭ ۆەب-پورتالى ارقىلى – 12 016 (6%) قىزمەت جۇزەگە اسقان.
مەملەكەتتىك كورسەتىلەتىن قىزمەتتەردىڭ ساپاسى مەن ەلەكتروندى تۇردە كورسەتىلەتىن قىزمەتتەردىڭ ۇلەسىن ارتتىرۋ ماقساتىندا قالا, كەنتتەر مەن اۋىلدىق وكرۋگتەرى اكىمدەرىنىڭ, دەربەس بولىمدەردىڭ جانە مەكتەپتەردىڭ ينفورماتيكا ءپانى مۇعالىمدەرىنە حالىققا قىزمەت كورسەتۋ ورتالىعى قىزمەتكەرلەرىمەن سلايد ارقىلى ەلەكتروندى تسيفرلىق قولتاڭبا الۋ, e.gov.kz پورتالىنان قىزمەتتەر الۋ مۇمكىندىكتەرى كەڭىنەن ءتۇسىندىرىلىپ, بارلىق ەلدى مەكەندەردە مەكتەپ بازاسىن پايدالانا وتىرىپ, سلايد ارقىلى تۇرعىندارعا ءتۇسىندىرۋ جۇمىستارى جۇرگىزىلىپتى. سونىمەن قاتار, اۋىلدىق وكرۋگتەردە كەڭەس بەرۋ جانە ەلەكتروندىق تۇردە قىزمەتتەردى الۋ بويىنشا 24 قالا, كەنت, اۋىلدىق وكرۋگتەرى اكىمدەرىنىڭ 48 مامانى حالىققا قىزمەت كورسەتۋ ورتالىقتارىندا وقىتۋدان وتكىزىلگەن.
كورسەتىلەتىن قىزمەتتەرگە قولجەتىمدىلىكتى ارتتىرۋ بارىسىندا اۋدان اكىمدىگىنىڭ رەسمي Maktaral.gov.kz ينتەرنەت-رەسۋرسىندا «مەملەكەتتىك قىزمەت كورسەتۋ» ءبولىمى اشىلىپ, وندا قوعامدىق مونيتورينگ قورىتىندىسى, جاۋاپتى ماماندار, بايلانىس تەلەفوندارى, ينفوگرافيكالار, جىلدىق, توقساندىق ەسەپتەر جانە سالاعا قاتىستى وزگەدە اقپاراتتار ورنالاستىرىلعان. سونىمەن بىرگە, ۆەب-سايتتا ەتسق الۋدىڭ ءتيىمدى تاسىلدەرى مەن ىڭعايلى بەينەروليكتەر ورناتىلىپ, قىزمەتتەر ءتىزىلىمى ارقىلى قاجەتتى قىزمەتتى تاڭداي وتىرىپ e.gov.kz پورتالىنا ءوتۋ مۇمكىندىگى قاراستىرىلعان.