ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ «رۋحاني جاڭعىرۋ» رەسپۋبليكالىق جاستار اكتسياسىن قورىتىندىلادى.
اقتاۋ قالاسىندا, كاسپي تەڭىزىنىڭ جاعالاۋىندا «رۋحاني جاڭعىرۋ» جاستار اكتسياسى مارەسىنە جەتتى.
ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىن قولداۋ ءۇشىن وتكىزىلگەن اكتسيا اياسىندا ەلىمىزدىڭ مىڭداعان جاستارى بىرىگىپ, شارانى ناعىز مەرەكەگە اينالدىردى.
ءىس-شارا جاستاردى بىرىكتىرۋ كۇش عانا ەمەس, سونىمەن قاتار, ماڭىزدى قوعامدىق شارا رەتىندە تانىلدى.
«اكتسيانى وتكىزۋ – تاريحىمىزدىڭ جاڭا كەزەڭىنە باستاعان قادامدارىمىزدىڭ ءبىرى», دەدى نۇرلان ەرمەكباەۆ.
بۇدان بولەك, مينيستر مەملەكەت باسشىسىنىڭ قولداۋىمەن ەلىمىزدە جاستاردىڭ ساپالى ءبىلىم الۋى جانە جەتىستىكتەرگە جەتۋى ءۇشىن قولايلى جاعداي جاسالىپ وتىرعانىن اتادى.
اكتسيانىڭ ماڭىزى تەرەڭنەن باستاۋ الادى, بۇلار ادام بويىنداعى اسىل قاسيەتتەردى, ياعني ماحاببات, وتانسۇيگىشتىك, جاۋاپكەرشىلىك, بىلىمدىلىك, تۋعان جەردى, ونىڭ سالت-ءداستۇرى مەن ادەت-عۇرپىن, تاريحىن قۇرمەتتەۋ. ولارسىز تۇراقتى, قالىپتى جانە وركەندەۋشى قوعام قۇرۋ مۇمكىن ەمەس.
ءسوز سوڭىندا مينيستر «رۋحاني جاڭعىرۋ» جالپىرەسپۋبليكالىق جاستار اكتسياسىنىڭ اياقتالۋىمەن سايكەس كەلگەن اقتاۋ قالاسىنىڭ 54 جىلدىق مەرەيتويىمەن تۇرعىنداردى قۇتتىقتادى, سونىمەن قاتار ماڭعىستاۋ وبلىسى باسشىلىعىنا العىس ءبىلدىردى.
ەسكە سالا كەتەيىك, اكتسيا ەلىمىزدىڭ بارلىق وڭىرلەرىندە 4 باعىت بويىنشا ءوتتى: ء«بىلىم», «اسار», «تاعزىم», «ونەر». اكتسيا شەڭبەرىندە 700-دەن استام ءىس-شارا ۇيىمداستىرىلىپ, وعان 70 مىڭنان استام جاستار قاتىستى.
«ەگەمەن-اقپارات»