جىل باسىنان بەرى استانا قالاسىنىڭ ءىىد جپق تابيعاتتى قورعاۋ پوليتسياسىنىڭ ينسپەكتورلارى تاراپىنان قراقتك 505 بابىن بۇزعانى ءۇشىن 3877 زاڭدى جانە جەكە تۇلعالار جاۋاپقا تارتىلدى. بۇل تۋرالى قالالىق اكىمدىكتىڭ ءباسپاسوز قىزمەتى حابارلادى.
ايىپپۇلداردىڭ جالپى كولەمى 45 ملن تەڭگەنى قۇرادى, دەپ حابارلادى ەلوردا اكىمدىگىنىڭ مەديا ورتالىق تىلشىسىنە استانا قالاسىنىڭ ءىىد جپق تقب اعا ينسپەكتورى ەرلىك جامانعوزوۆ.
- تابيعاتتى قورعاۋ پوليتسياسىنىڭ قىزمەتكەرلەرى اۋدان اكىمدىكتەرىنىڭ ماماندارىمەن بىرگە بەكىتىلگەن اۋماقتارعا تەكسەرىس جۇرگىزۋدە قالانى اباتتاندىرۋ ەرەجەلەرى تالابىنا ساي بولۋى كەرەك قۇرىلىس الاڭدارىن زەرتتەۋ بويىنشا جۇمىستار جۇرگىزۋدە. جىل باسىنان بەرى قالدىقتاردى ۋاقىتىلى شىعارماۋ, قۇرىلىس ۋچاستكەسى توڭىرەگىنەن باسقا جەرگە قۇرىلىس ماتەريالدارىن توگۋ, قورشاۋلاردىڭ بولماۋى, اۋىر جۇكتى كولىكتەرىنىڭ دوڭگەلەكتەرىن جۋ پۋنكتەرى بويىنشا 177 قۇرىلىس كومپانيالارى اكىمشىلىك جاۋاپكەرشىلىككە تارتىلىپ, جالپى كولەمى 12 ملن تەڭگە سوماسىندا ايىپپۇل سالىندى, - دەپ حابارلادى ە.جامانعوزوۆ.
قىزمەت كورسەتەتىن اۋماعىن تۇرمىستىق قاتتى قالدىقتاردان, قۇرىلىس جانە ۇلكەن كولەمدى قوقىستاردان, قاردان, مۇزدان ۋاقىتىلى تازارتپاعاندىقتان, حابارلاندىرۋ تاقتايشاسىنىڭ, پودەزگە كىرەبەرىستە جاشىكتەردىڭ بولماعانى ءۇشىن جپق تابيعاتتى قورعاۋ پوليتسياسىنىڭ قىزمەتكەرلەرى 129 قىزمەت كورسەتۋشى ۇيىمداردى (پيك, جشس, ت.ب.) اكىمشىلىك جاۋاپكەرشىلىككە تارتىپ, جالپى كولەمى 6 171 680 تەڭگە ايىپپۇل سالعان.
كۇن سايىن ەلوردالىق ءىىد جپق تابيعاتتى قورعاۋ پوليتسياسى رۇقسات ەتىلمەگەن جەرلەرگە قالدىقتار توگۋ ورىندارىنا مونيتورينگ جۇرگىزىپ, زەرتتەيدى.
- جىل باسىنان بەرى بارلىعى بەلگىلەنبەگەن جەرگە قوقىس توككەنى ءۇشىن 58 جۇرگىزۋشى ۇستالدى. ال سالىنعان ايىپپۇل كولەمى 2 745 490 تەڭگەنى قۇرادى, - دەدى ە.جامانعوزوۆ.