ەلوردا حوستەلدەرى ستۋدەنتتەرگە جاتىن ورىندى جالعا الۋدىڭ جەڭىلدەتىلگەن نۇسقاسىن ۇسىنىپ وتىر, دەپ حابارلايدى استانا اكىمدىگىنىڭ مەديا ورتالىعى.
"كورمەنىڭ اياقتالۋىنا بايلانىستى قالاداعى حوستەلدەردىڭ كوپشىلىگى جۇمىس باعىتىن وزگەرتىپ جاتىر. ولار ۇزاق مەرزىمدى جالعا بەرۋگە كوشتى. بۇل ستۋدەنتتەر مەن جۇمىس بابىمەن كەلگەن قوناقتارعا قولجەتىمدى ءارى ءتيىمدى ۇسىنىس", - دەدى "استانا كونۆەنشن بيۋرو" جشس باس مەنەدجەرى مارات الماعانبەتوۆ.
ونىڭ ايتۋىنشا, قازىر ورتا ەسەپپەن حوستەلدەگى ءبىر ورىندى جالعا الۋ باعاسى ايىنا - 25 مىڭ تەڭگە. "وقۋ جىلىنىڭ باستالۋىمەن كەيبىر حوستەلدەر جەڭىلدىك ۇسىنىپ وتىر. سول جەڭىلدىككە سەيكەس, ءبىر ورىندى 20 مىڭ تەڭگەگە الۋعا بولادى", - دەدى ول.
ايتا كەتەيىك, ەكسپو كورمەسى كەزىندە استانادا 95 حوستەل جۇمىس ىستەدى. ونداعى جاتىن ورىن سانى 4500 قۇرادى. سونداي-اق, وتكەن ءۇش ايدا قالاعا كەلگەن 22 مىڭ مەيمان حوستەلدەردى پانالاعان ەكەن.