23-24 قىركۇيەك استانادا قاراعاندى جانە قىزىلوردا وبلىستارىنىڭ اۋىلشارۋاشىلىق جارمەڭكەسى وتەدى. بۇل تۋرالى استانا قالاسى اۋىلشارۋاشىلىق باسقارماسىنىڭ باسشىسى ارداق دوسانوۆ حابارلادى.
ونىڭ سوزىنشە, 8 اي ىشىندە استانادا 50-گە جۋىق جارمەڭكە وتكەن. كەيبىر ايماقتار بىرنەشە رەت جارمەڭكە ۇيىمداستىرعان.
- جارمەڭكەلەردە ءبىز 8 ملن تەڭگەنىڭ 25 مىڭ توننادان استام ءونىمىن وتكىزدىك. 23-24 قىركۇيەك قاراعاندى مەن قىزىلوردا وبلىستارىنىڭ بىرلەسكەن جارمەڭكەسىن ۇيىمداستىرۋ جوسپارلانۋدا. وندا 500 توننا ءونىم ساۋدالانادى, - دەدى دوسانوۆ مىرزا.
ەستەرىڭىزگە سالا كەتەيىك, جارمەڭكە ق.مۇڭايتپاسوۆ كوشەسىندەگى «قازاقستان» سپورت كەشەنى اۋماعىندا وتەدى. ەلورداعا جىل باسىنان بەرى ديستريبيۋتورلىك ارنالار ارقىلى 80 مىڭ توننا ازىق-ت ۇلىك جەتكىزىلگەن. بۇل وتكەن جىلمەن سالىستىرعاندا 25-30%-عا كوپ. مۇنداي شارالاردىڭ بارلىعى باعانى باقىلاۋعا جانە بارلىق تاۋار توپتارى بويىنشا ءوسىم بولعان جاعدايدا دا ونىمدەردىڭ جەتىسپەۋشىلىگىن, جىلدام قىمباتتاۋىن بولدىرمادى.