مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ اياسىندا بىرىڭعاي اقپاراتتىق پورتال ءوز جۇمىسىن باستادى. وسىعان وراي ورتالىق كوممۋنيكاتسيالار قىزمەتىنىڭ اقپاراتتىق الاڭىندا ءبىلىم جانە عىلىم ۆيتسە-ءمينيسترى اسحات ايماعامبەتوۆ, ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ جانە «قازكونتەنت» اق باسقارماسىنىڭ توراعاسى ەۆگەني كوچەتوۆتىڭ قاتىسۋىمەن ءباسپاسوز ءماسليحاتى ءوتتى.
«قازكونتەنت» اق باسقارما توراعاسى ەۆگەني كوچەتوۆتىڭ مالىمەتىنشە, جاڭا پورتال ruh.kz دومەنىمەن تىركەلگەن. سايت «تۋعان جەر», «كيەلى مەكەن جاعىراپياسى», «زاماناۋي قازاقستان مادەنيەتى», «100 جاڭا وقۋلىق», «100 جاڭا تۇلعا», «لاتىنشا» دەگەن التى بولىمنەن تۇرادى. باستى بەتتە ەلباسىنىڭ ماقالاسىنان ءۇزىندى جانە «رۋxاني جاڭعىرۋ» باعدارلاماسىنا قاتىستى بارلىق جاڭالىق كورسەتىلگەن», دەدى ە.كوچەتوۆ.
جيىن بارىسىندا «100 جاڭا ەسىم» جوباسىنا 2 مىڭعا جۋىق ءوتىنىش كەلىپ تۇسكەنى, 16 قىركۇيەكتەن باستاپ قابىلداۋ توقتاتىلعانى ايتىلدى. جوبانىڭ ەكىنشى كەزەڭىندە ارنايى قۇرىلعان ساراپشىلار توبى لايىقتى تۇلعالاردى انىقتايتىن بولادى.
پورتالداعى «تۋعان جەر» بولىمىنە ءدىن ىستەرى جانە ازاماتتىق قوعام مينيسترلىگى, «كيەلى مەكەن جاعىراپياسى» مەن «زاماناۋي قازاقستان مادەنيەتى» بولىمىنە مادەنيەت جانە سپورت مينيسترلىگى, «100 جاڭا وقۋلىق» بولىمىنە ءبىلىم جانە عىلىم مينيسترلىگىنىڭ تاراپىنان ماڭىزدى ماعلۇماتتار مەن كەرەكتى دەرەكتەر ورنالاستىرىلادى.
ء«بىزدىڭ مينيسترلىك اتالعان پورتالدىڭ «تۋعان جەر» بولىمىنە ءوزىنىڭ جوبالارىن قويادى. سونىڭ ءبىرى – الەۋمەتتىك باستامالار كارتاسى. وسى كارتا ارقىلى وڭىرلەردە اتقارىلىپ جاتقان ءتۇرلى الەۋمەتتىك ماڭىزى بار جوبالاردىڭ تىزبەگىمەن تانىسا الاسىزدار. قازىرگى تاڭدا كارتاعا 83 الەۋمەتتىك جوبا ەنگىزىلدى. بۇل جوبالار مەتسەناتتار مەن قايىرىمدى جاندار ارقىلى جۇزەگە اسىپ جاتىر. الەۋمەتتىك باستامالار كارتاسى جوباسىنىڭ نەگىزگى ماقساتى – ءاربىر قازاقستاندىق ازاماتتىڭ بويىنا ءوزىنىڭ تۋعان جەرىنە دەگەن جاۋاپكەرشىلىك سەزىمىن ارتتىرۋ جانە ونىڭ دامۋىنا ۇلەسىن قوسۋعا مۇمكىندىك بەرۋ» دەدى ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ.
راۋان قايدار, «ەگەمەن قازاقستان»