قازاقستان پرەزيدەنتى نۇرسۇلتان نازارباەۆ گەننادي گولوۆكينگە جەدەلحات جولدادى, دەپ حابارلادى akorda.kz.
مەملەكەت باسشىسى امەريكا قۇراما شتاتتارىنداعى لاس-ۆەگاستا وتكەن WBA, WBC, IBO, IBF جانە The ring تۇجىرىمدارى بويىنشا بوكستان الەم چەمپيونى اتاعى ءۇشىن جەكپە-جەك اياقتالعان سوڭ گەننادي گولوۆكينگە جەدەلحات جولدادى.
«ميلليونداعان قازاقستاندىقتار ساعان ءبىر اۋىزدان قىزۋ قولداۋ كورسەتتى. سەن تارتىستى ءارى جانكەشتى جەكپە-جەكتە ايرىقشا تاباندىلىق تانىتىپ, قاجىماس قايرات پەن اسقان شەبەرلىك كورسەتتىڭ.
سەنىڭ كاسىپقويلىعىڭ, زور قابىلەتىڭ, قول جەتكىزگەن ابىروي-بەدەلىڭ, ەڭ باستىسى – ءوز ىسىڭە شەكسىز ادالدىعىڭ كەلەشەكتەگى جارقىن جەڭىستەرىڭنىڭ كەپىلى بولا بەرسىن», – دەلىنگەن جادەلحاتتا.
سوڭىندا نۇرسۇلتان نازارباەۆ بوكسشىعا زور دەنساۋلىق جانە الداعى بەلەستەرىنە تابىس تىلەدى.