اكتسيا قارقىن الا ءتۇستى

«نۇر وتان» پارتياسىنىڭ «حالىقتىڭ داۋىسى» رەسپۋب­ليكالىق اكتسياسى قارقىندى وتۋدە.  بۇگىنگە دەيىن بۇكىل ەلىمىز بويىنشا 370 مىڭ ادام اكتسياعا قاتىستى. 19 قازاندا پارتيا باستاماسىن اقمولا وبلىسى تۇرعىندارى دا بەلسەنە قۇپتادى. وڭىردە ءبىرىنشى كۇننەن باستاپ انكەتا قابى­ل­داي­تىن 43 ورىن جۇمىس جاساۋدا. ول­اردىڭ بارلىعى ادامدار كوپ شو­عىرلاناتىن جەرلەردە, ءىرى ساۋدا نۇكتەلەرىندە, ءوندىرىس جانە وقۋ ورىندارى عيماراتتارىندا ورنا­لاس­قان. قازىردىڭ وزىندە 15 مىڭ­­نان استام اقمولالىق ءوز تىلەكتەرى مەن ۇسىنىستارىن جەتكىزدى. ءوز اماناتتارىن قالدىرعان ەل تۇرعىندارى بۇل اكتسيانىڭ ماڭىز­دىلىعىنا دا باسا نازار اۋدارۋدا. قازاقستان تاۋەلسىزدىگىنە 20 جىل تولعان ۋاقىتتا ايتىلىپ جاتقان بارلىق ۇسىنىستار ەلدى ودان ءارى جاڭعىرتۋعا ءوز سەپتىگىن تيگىزەتىنى ءسوزسىز. كوكشەتاۋدا اكتسيا اياسىندا حالىققا قىزمەت كورسەتۋ ورتالى­عىندا «جەدەل قابىلداۋ» ۇيىم­داس­تىرىلدى. اكتسياعا قاتىسۋشى, مۇگەدەكتەردى قولداۋ جونىندەگى «ءۇمىت» قوعامدىق قورىنىڭ وكىلى اتاپ وتكەنىندەي, ايماقتىق پار­تيا­لىق ۇيىممەن ءوزارا ءارىپ­تەس­تىكتىڭ ارقاسىندا كوكشەتاۋدا گوموديالدىق اۋرۋلار دەمالاتىن ورىننىڭ قۇرىلىسى باستالعان. اكتسيا شاحتەرلار قالاسى – قاراعاندىدا دا بەلسەندى جالعا­سىن تابۋدا. شاراعا تەك ءوندىرىس ۇجىمدارى مەن وقۋ ورىندارى ەم­ەس, قالا تۇرعىندارى دا قىزۋ ات­سا­لىسۋدا. 19 قازاندا «حالىق­تىڭ دا­ۋىسى» اكتسياسى «مير» اۋلالىق كلۋبىندا ءوتتى. اۋلالىق كلۋب ءوزى­نىڭ سپورتتىق جانە مادەني-تا­نىم­دىق قىزمەتتەرىمەن ەرەكشەلەنەدى. بۇل جەردە ەرەسەكتەر مەن بالالارعا ارنالعان ءتۇرلى سەكتسيالار مەن ۇيىمدار بار. 300-دەن استام ادام توعىزقۇمالاق, شاحمات, سپورتتىق بي جانە ءتۇرلى ءۇيىر­مە­لەرگە قاتىسۋ مۇمكىندىگىنە يە. اكتسياعا قاتىسۋشىلار ەلىمىزدىڭ 20 جىلدىق مەرەيتويىنا دەگەن ىستىق ىقىلاستارىن جەتكىزىپ, ەلباسى نۇرسۇلتان نازارباەۆقا كەمەل باسشىلىعىنىڭ ارقاسىندا جەتكىزگەن جەتىستىكتەرى ءۇشىن ال­عىس­تارىن ءبىلدىردى. «نۇر وتان» پارتياسىنىڭ «حا­لىقتىڭ داۋىسى» اكتسياسى جالعاسۋدا. «ەگەمەن-اقپارات».