قازاقستان پرەزيدەنتى يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءسامميتى اياسىندا ۆەنەسۋەلا پرەزيدەنتى نيكولاس مادۋرومەن كەزدەستى.
كەزدەسۋ بارىسىندا مەملەكەت باسشىسى ۆەنەسۋەلا پرەزيدەنتىنىڭ قازاقستانعا العاش رەت ساپارمەن كەلىپ وتىرعانىن اتاپ ءوتتى.
– ءسىزدىڭ قازاقستان جەرىنە كەلگەنىڭىزگە قۋانىشتىمىن. بۇگىنگى سامميتكە قاتىسقانىڭىز ءۇشىن ريزاشىلىعىمدى بىلدىرەمىن. ەلىڭىزدە بولىپ جاتقان وقيعالار جونىندە بىلەمىز, – دەدى نۇرسۇلتان نازارباەۆ.
نيكولاس مادۋرو نۇرسۇلتان نازارباەۆقا قازاقستانعا كەلىپ, يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى سامميتىنە قاتىسۋعا مۇمكىندىك تۋعىزعانى ءۇشىن العىس ايتتى.
سونداي-اق, ۆەنەسۋەلا پرەزيدەنتى بۇل كەزدەسۋ ەكىجاقتى قارىم-قاتىناستى ودان ءارى دامىتۋعا نەگىز بولاتىنىنا سەنىم ءبىلدىردى.