قازاقپارات- استانادا قر قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ پەن ساۋد ارابياسىنىڭ كورول ابدەل ازيز اتىنداعى عىلىمي-تەحنيكالىق قالاشىقتىڭ پرەزيدەنتى دوكتور تۋركي بەن ساۋد بەن مۋحامماد ال ساۋدپەن كەزدەستى, دەپ حابار بەرەدى «قازاقپارات»
«كەلىسسوزدەر بارىسىندا عارىشتىق قىزمەت سالاسىنداعى ەكىجاقتى ىنتىماقتاستىق باعىتتارى تالقىلاندى. كەزدەسۋ قورىتىندىلارىنا وراي بىرلەسكەن جۇمىستاردى ىسكە اسىرۋ جونىندەگى جول كارتاسىن ەگجەي-تەگجەيلى ازىرلەۋمەن اينالىساتىن جۇمىس توبىن قۇرۋ تۋرالى شەشىم قابىلداندى», - دەلىنگەن مينيسترلىك ءباسپاسوز پاراعىندا.
مارتەبەلى قوناق استاناداعى ۇلتتىق عارىش ورتالىعىندا بولىپ, ەلىمىزدىڭ عارىش سالاسىنداعى جەتىستىكتەرىمەن تانىستى.
«قازاقستان عارىش سالاسىندا قىسقا ۋاقىت ىشىندە ۇلكەن ناتيجەلەرگە قول جەتكىزدى. ءبىز سىزدەرمەنزاماناۋي عارىشتىق تەحنولوگيالاردى پايدالانۋ بويىنشا ىنتىماقتاستىق جاساۋعا مۇددەلىمىز», - دەدى ساۋد ارابياسى عىلىمي-تەحنيكالىق قالاشىعىنىڭ پرەزيدەنتى.
ەسكە سالا كەتەيىك, «قازعارىش» پەن كورول ابدەل ازيز اتىنداعى عىلىمي-تەحنيكالىق قالاشىق اراسىندا عارىش كەڭىستىگىن بەيبىت ماقساتتا زەرتتەۋ جانە پايدالانۋ جونىندەگى ىنتىماقتاستىق تۋرالى بازالىق كەلىسىمگە 2011 جىلى ەر-رياد قالاسىندا قول قويىلعان بولاتىن.