استانادا جاڭا وقۋ جىلىندا 73 مىڭعا جۋىق مەكتەپ وقۋشىسى تەگىن ىستىق تاماقپەن قامتاماسىز ەتىلەدى. بۇل ماقساتتا جەرگىلىكتى بيۋدجەتتەن 3,5 ملرد-قا جۋىق قارجى ءبولىندى, دەپ حابارلايدى ەلوردا اكىمدىگىنىڭ مەديا ورتالىعى.
«ەلوردانىڭ 84 ءبىلىم بەرۋ مەكەمەسىندە باستاۋىش سىنىپ وقۋشىلارىنىڭ بارلىعى ىستىق تاماقپەن قامتاماسىز ەتىلەتىن بولادى. سونىمەن قاتار 5-11 سىنىپتارداردا وقيتىن از قامتىلعان وتباسىلار مەن جەتىم بالالاردا تەگىن ىستىق تاماقپەن قامتىلادى», - دەدى قالالىق ءبىلىم باسقارماسىنىڭ كامەلەتكە تولماعانداردىڭ قۇقىقتارىن قورعاۋ ءبولىمىنىڭ باس مامانى اسەم ۇسەنوۆا.
ونىڭ ايتۋىنشا استانا مەكتەپتەرىندەگى اسحانالاردا 26 جەكە كاسىپكەر جۇمىس ىستەيدى. جاڭا وقۋ جىلىنا دايىندىق بارىسىندا بارلىق مەكتەپتەردىڭ اسحانالارى اعىمداعى جانە كۇردەلى جوندەۋدەن ءوتتى.