الدىقورعاندا قالا كۇنى مەرەكەسى اياسىندا «مەيىرىمدى جۇرەك» اكتسياسى باستالدى. كومەككە مۇقتاج جالعىزباستى قاريالارعا قولعابىس ەتۋدى ماقسات ەتكەن شاراعا قالانىڭ بەلسەندى جاستارى, ەرىكتىلەر جاساعى,الەۋمەتتىك سالا قىزمەتكەرلەرى, كاسىپورىن جۇمىسشىلارى, اكىمدىك قىزمەتكەرلەرى قاتىسۋدا, دەپ حابارلايدى قازاقپارات
بۇگىن قالانىڭ بەلسەندى جاستارى بىرنەشە قاريانىڭ ۇيىنە بارىپ, ءۇي شارۋاسىنا قولعابىس ەتتى. ماسەلەن, ەركىن اۋىلىندا تۇراتىن زەينەتكەر بيبىعايشا ءابسادىروۆا اجەيدىڭ باقشاسىن قامىس پەن ارام ءشوپ باسىپ كەتكەن. ون شاقتى جىل بۇرىن جالعىز ۇلىنان, 8 جىل بۇرىن جۇبايىنان ايىرىلىپ قالعان تۇرعىننىڭ كورشىلەردەن باسقا كومەكتەسەر ەشكىمى جوق. جاسىلەلدىك جىگىتتەر ءۇيدىڭ اۋلاسىن قوقىستان تازارتىپ بەردى.
ال, وسى اۋىلدا تۇراتىن تىل ەڭبەككەرى ماريا دانيالوۆانىڭ بۇگىندە باقشاسىن جيناپ الاتىن قاۋقارى قالماعان. ۇلدارى رەسەيگە كوشىپ كەتكەن. كەنجە قىزى اندا-مۇندا عانا كەلىپ تۇرادى ەكەن. تالدىقورعان قالالىق جاستار رەسۋرستىق ورتالىعىنىڭ جىگىتتەرى اجەيدىڭ كارتوبىن قازىپ, كۇل-قوقىسىن شىعارىپ بەردى. جالپى, تالدىقورعان بويىنشا 260-تان استام جالعىزباستى قاريا بار. ولارعا جۇمىسپەن قامتۋ بولىمىنەن بولىنگەن 70 الەۋمەتتىك قىزمەتكەر قاراپ تۇرادى. ال, «مەيىرىمدى جۇرەك» اكتسياسى وسىنداي جاندارعا قوعام نازارىن اۋدارۋدى ماقسات ەتەدى. تاعدىردىڭ تالكەگىنە ۇشىراپ, بالا-شاعاسىز قالعان قاريالارعا قامقورلىق جاساۋ - اركىمنىڭ مىندەتى ەكەنىن ەسكە سالادى.
اكتسيا اياسىندا جالعىزباستى مۇقتاج قاريالارعا ازىق-ت ۇلىك, وتىن-كومىر جەتكىزىلەتىن بولادى. ايتا كەتۋ كەرەك, تالدىقورعاندا قالا كۇنىنە ارنالعان مرەكەلىك شارالار 8-ءشى قىزركۇيەكتەن باساتالدى. ءتۇرلى شىعارماشىلىق بايقاۋلار,شەبەرلىك ساباقتارى, رەترو كونتسەرتتەر مەن سپورتتىق سايىستار, تانىمال تۇلعالارمەن كەزدەسۋلەر, الەۋمەتتىك نىسانداردىڭ اشىلۋى, كاسىپورىنداردىڭ تۇساۋكەسەرلەرى سەكىلدى كوپتەگەن شارالار بيىلعى مەرەكەنىڭ ءسانىن كىرگىزەتىن بولادى.
ال, نەگىزگى مەرەكە 30-قىركۇيەكتە ساعات 10-00-دە قالانىڭ ورتالىعىنان باستالىپ, جاستار سپورت سارايىنىڭ ماڭى مەن «جاستار» ساياباعىندا جالعاسادى.