بۇگiن قازاقستان پرەزيدەنتi نۇرسۇلتان نازارباەۆ تۇركيا باسشىسى رەجەپ ەردوعانمەن كەزدەستi. رەسمي كەزدەسۋدiڭ باسىندا قوس پرەزيدەنت ەكونوميكالىق بايلانىستى نىعايتۋ قاجەتتiلiگi مەن سيرياداعى قاقتىعىسقا ارنالعان استانا كەلiسسوزدەرi جايلى ءسوز قوزعادى. ودان كەيiن ەكi ەل اراسىندا بiرقاتار ماڭىزدى قۇجاتقا قول قويىلدى, دەپ حابارلايدى Baq.kz
«قازاقستاندا تۇرiك كاپيتالىنىڭ قاتىسۋىمەن 1600-دەن استام كاسiپورىن جەمiستi ەڭبەك ەتiپ جاتىر. تۇرiك قۇرىلىسشىلارى ەلiمiزدە 20 ملرد دوللار سوماسىنا قۇرىلىس جۇرگiزدi. كەلiسسوزدەردە بiز «جاڭا سينەرگيا» بiرلەسكەن ەكونوميكالىق باعدارلاماسى, ونىڭ اياسىندا قازاقستان مەن تۇركيا يندۋستريالدى ايماقتارىن قۇرۋ ماسەلەلەرiن, ەكi ەلدiڭ اراسىنداعى ساۋدا-ساتتىقتى باسقا دەڭگەيگە كوتەرۋ ماسەلەسiن تالقىلادىق. وسى رەتتە «جاڭا سينەرگيانىڭ» وزەكتi حاتتاماسى شامامەن 900 ملن دوللار بولاتىن 26 ينۆەستيتسيالىق جوبانى قامتيدى. ەكiجاقتى ساۋدا-ەكونوميكالىق الەۋەتتi تولىق پايدالانۋ ءۇشiن مەملەكەتتەر اراسىندا تۇركيانىڭ تاجiريبەسi مول توقىما, ازىق-تۇلiك, تاۋ-كەن ونەركاسiبi, قۇرىلىس, ەلەكترونيكا, اۋىل شارۋاشىلىعى, تۋريزم سالالارىندا مۇمكiندiكتەردi قاراستىرۋعا كەلiستiك. ناقتى تاپسىرما بەرiلدi. تيiستi مەملەكەتارالىق كوميسسيا بۇل ماسەلەنi پىسىقتايتىن بولادى», - دەدi نازارباەۆ.
كەزدەسۋ اياسىندا قازاقستان مەن تۇركيا ءارتۇرلi سالانى قامتيتىن بiرقاتار كەلiسiمگە قول قويدى. اتاپ ايتساق, ەكi ەل اراسىنداعى 2017-2020 جىلدارعا ارنالعان «جاڭا سينەرگيا» بiرلەسكەن ەكونوميكالىق باعدارلاماسى شارالار جوسپارىنىڭ حاتتاماسىنا قول قويىلدى. قۇجات ينۆەستيتسيالار تارتۋ, بiرلەسكەن يندۋستريالدى ايماقتار قۇرۋ مەن بiرلەسكەن جوبالاردى جۇزەگە اسىرۋ مەن ت.ب. قامتيدى. سونداي-اق, ۇلكەن الماتى اينالما اۆتوجولى قۇرىلىسى بويىنشا قۇجاتقا قول قويىلدى.
اتاپ وتسەك, كەشە جەرگىلىكتى ۋاقىتپەن ساعات 17:00 كەزىندە تۇركيا پرەزيدەنتى مىنگەن «TUR» ۇشاعى حالىقارالىق نازارباەۆ اۋەجايىنا كەلىپ قوندى. ەردوعاننىڭ ايەلى مەن ۇلى دا ەلوردادا ءجۇر. تۇركيا باسشىسى ەلىمىزگە ءۇش كۇندىك ساپارمەن كەلدi. ول ەلباسى نۇرسۇلتان نازارباەۆپەن كەلىسسوزدەر جۇرگىزىپ, استاناداعى عىلىم جانە تەحنولوگيا جونىندەگى يسلام ىنتىماقتاستىعى ۇيىمى سامميتىنە قاتىسپاق.