قر ۇلتتىق وليمپيادا كوميتەتى قاراعاندى, كوكشەتاۋ, ورال قالالارىنا ارنايى street workout سپورتتىق الاڭدارىن سىيعا تارتتى. بۇل يگى باستاما ۇلتتىق وليمپيادا كوميتەتىنىڭ پرەزيدەنتى تيمۋر ق ۇلىباەۆتىڭ تىكەلەي مۇرىندىق بولۋىمەن جۇزەگە اسىرىلۋدا جانە حالىقتى بۇقارالىق سپورتقا باۋلۋدى كوزدەيدى, دەپ حابارلايدى Baq.kz اقپارات اگەنتتىگى.
وسىلايشا تيمۋر ق ۇلىباەۆتىڭ جەكە قاراجاتىنان ەلىمىز بويىنشا قىرىق سپورتتىق الاڭنىڭ قۇرىلىسى قارجىلاندىرىلدى. Street Workout ارنايى سپورتتىق الاڭدارى استانا, الماتى, اقتوبە, اقتاۋ, جاڭاوزەن, شىمكەنت, قىزىلوردا, تاراز قالالارىندا سپورت سۇيەر قاۋىمعا قولجەتىمدى بولىپ وتىر. الداعى ۋاقىتتا بۇل قالالار ءتىزىمى تاعى تولىعادى. سپورتتىق الاڭدار جيىرما ءتۇرلى سناريادتارمەن جابدىقتالعان جانە ادامعا بارلىق بۇلشىق ەتىن شىڭداۋعا مۇمكىندىك بەرەدى.
سپورتتىق الاڭدار, ەڭ اۋەلى, قالالاردىڭ حالىق تىعىز ورنالاسقان جانە نەعۇرلىم قولجەتىمدى اۋداندارىندا سالىندى. باستى ماقسات – الاڭداردا سپورتپەن شۇعىلدانۋعا مەيلىنشە كوپ ادام تارتۋ. ماسەلەن, ورال قالاسىندا workout الاڭى تۇرعىنداردىڭ ەڭ سۇيىكتى دەمالىس ورنىنا ارنالعان جەرگىلىكتى «ارباتتا» سالىنسا, قاراعاندىدا وڭتۇستىك-شىعىس ىقشام اۋدانىندا, كوكشەتاۋدا قالانىڭ ورتالىق كوشەلىەرىنىڭ بىرىندە بوي كوتەردى.
سپورت الاڭدارىنىڭ اشىلۋ سالتاناتىنا Workout فەدەراتسياسى وكىلدەرىمەن قاتار قالا باسشىلىعى, سپورتتىق جانە جاستار ۇيىمدارىنىڭ وكىلدەرى قاتىسىپ, وسىنداي الاڭدار سالىپ بەرگەن قر ۇلتتىق وليمپيادا كوميتەتى باسشىلىعىنا العىسىن ءبىلدىرىپ جاتتى.
Street Workout – ەڭ قولجەتىمدى سپورت تۇرلەرىنىڭ ءبىرى. قازىرگى كەزدە ەلىمىزدە وسى سپورت تۇرىمەن اينالىساتىندار سانى ارتىپ كەلەدى. بىلتىرعى جىلمەن سالىستىرعاندا ولاردىڭ سانى 45%-عا ءوسىپ, ءجۇز مىڭنان استام ادامدى قۇراعان.