بۇگىن «Kazakh Invest» كومپانياسى مەن تۇرىك ينۆەستورلارى جالپى سوماسى 590 ملن اقش دوللارىن قۇرايتىن 9 ينۆەستيتسيالىق قۇجاتقا قول قويدى, دەپ حابارلايدى Baq.kz
كەلىسىمدەر مەن مەموراندۋمدار «Calik Holding», «اgrobest Group», «Yildirim Holding», «Yildizlar SSS Holding» جانە باسقا دا تۇرىك حولدينگتەرى اراسىندا جاسالدى. بۇل كومپانيالار قازاقستان اۋماعىندا قىش تاقتايشا زاۋىتىن, گاز-ەلەكتر ستانتسياسىن, كالتسي قوسىلعان سودا زاۋىتىن, گەبيتسيد ءوندىرىسى, ويىن-ساۋىق ورتالىقتارى سەكىلدى بىرقاتار جوبانى جۇزەگە اسىرماق.
«بۇگىن ءبىز قر پرەمەر-مينيسترىمەن بىرگە ۇلكەن تۇرىك كومپانيالارىمەن كەلىسسوزدەر جۇرگىزدىك. ولاردىڭ كەيبىرى بۇرىننان وسىندا جۇمىس ىستەيدى, كەيبىرى قازاقستانداعى ەنەرگەتيكا, اۋىل شارۋاشىلىعى سالالارىن سىرتتان باقىلاپ, قىزىعۋشىلىق تانىتىپ وتىر. بۇگىنگى مەموراندۋم بويىنشا «Calik Holding» ەنەرگەتيكالىق نىساندار سالماقشى. «اgrobest Group» بولسا جىل سوڭىنا دەيىن الماتى وبلىسىندا گەربيتسيد وندىرەتىن جوبانى ىسكە قوسپاق. «Yildirim Holding» جامبىل وبلىسىندا كالتسي قوسىلعان سودا ءوندىرىسىن جۇزەگە اسىرۋدى جوسپارلاپ وتىر. تۇرىك ينۆەستورلارىنىڭ مۇنداي باستامالارى قازاقستان ەكونوميكاسىنا وڭ ۇلەسىن قوسادى دەپ ويلايمىز. «Kazakh Invest» كومپانياسىنىڭ مىندەتى – ينۆەستورلارعا كومەك بەرۋ, قازاقستاندا بيزنەسىن جۇرگىزۋگە مۇمكىندىك بەرۋ. مۇنداي جوبالار ەلىمىزدىڭ گۇلدەنۋىنە اسەر ەتەدى», - دەدى «Kazakh Invest» ۇك» اق باسقارما باسشىسى ماقسات قاباشەۆ.
سونىمەن بىرگە ول بارلىق جوبالار قازاقستان نارىعىن قامتىپ, ەكسپورتقا دا شىعاتىنىن اتاپ ءوتتى. ءوز سوزىندە گەربيتسيد وندىرەتىن زاۋىت قۇرىلىسى قاراشا ايىندا باستالىپ, 12 ايدان سوڭ ىسكە قوسىلادى دەپ مالىمدەدى.
ينۆەستيتسيالىق قۇجاتتارعا قول قويىلعان سوڭ مۇنداي جوبالار بىردەن ىسكە قوسىلمايدى. «Kazakh Invest» ۇك» اق ينۆەستيتسيا تارتۋ دەپارتامەنتىنىڭ ديرەكتورى جاندوس ءورازاليننىڭ ايتۋىنشا, تولىقتاي جوبالاردىڭ ىسكە قوسىلۋى 5 جىلعا دەيىن ۋاقىت الادى.
«مۇنداي كەلىسىمگە كەلۋ ءۇشىن ءبىراز جۇمىستار اتقارىلدى. تۇركياعا دا باردىق, وزىمىزدە دە كەزدەسۋلەر ءوتتى. «ەكسپو-2017» كورمەسىنە كەلگەن تۇرىك كومپانيالارىمەن كەلىسسوزدەر ءجۇردى. بۇگىن جالپى سوماسى 590 ملن اقش دوللارىن قۇرايتىن 9 قۇجاتقا قول قويىلدى. ءار جوبانىڭ ءوزىنىڭ ورىندالۋ مەرزىمى بولادى. تۇرىك ينۆەستورلارى ءبىرىنشى ەلگە كەلىپ, ۇجىمدارىن قۇرۋ, قۇرىلىس جۇمىستارىن جۇرگىزۋ جۇمىستارى 3 جىلدان 5 جىلعا دەيىن ۋاقىتتى الادى. كەيبىر جوبالار 1-2 جىلدا جۇزەگە اسادى دەپ ويلايمىن», - دەدى جاندوس ورازالين.
تۇرىك ينۆەستورلارى جوبانى جۇزەگە اسىرۋدىڭ العاشقى كەزەڭىندە شەتەلدىك جۇمىس كۇشىن قازاقستانعا اكەلەدى. ولار ءوندىرىس نىساندارىنىڭ قۇرىلىسىن سالۋ, قۇرالدارمەن جابدىقتاۋ سەكىلدى جۇمىستاردى اتقارادى. سودان سوڭ قازاقستاندىق جۇمىس كۇشى پايدالانىلادى. ينۆەستيتسيالىق جوبالار قازاقستاننىڭ بارلىق وبلىسىن قامتيدى.
قر پرەزيدەنتى 2016 جىلدىڭ ساۋىرىندە ىستانبۇلعا بارعان ساپارىنان كەيىن تۇركياداعى شاعىن جانە ورتا بيزنەس وكىلدەرى تاراپىنان, سونداي-اق ترانسۇلتتىق كومپانيالار تاراپىنان دا قازاقستانعا دەگەن قىزىعۋشىلىقتىڭ جىلدام وسكەنىن اتاپ وتكەن ءجون. تۇرىك ينۆەستورلارى دايىن ءونىمدى ەاەو جانە ورتالىق ازيا ەلدەرىنە ەكسپورتتاۋ مەن ءوز ونەركاسىپتەرىن ورنالاستىرۋ الاڭى رەتىندە قاراستىرادى. سوڭعى ءۇش جىلدا تۇركيادان كەلگەن ينۆەستورلار قازاقستاندا قايتا ينۆەستيتسيالاۋدى جانە وندىرىستىك قۋاتتارىن ارتتىرۋدى بەلسەندى تۇردە جۇرگىزىپ وتىر.
سوڭعى بەس جىلدا تۇرىك ينۆەستورلارىمەن 667,5 ملن. اقش دوللارى سوماسىنا 18 جوبا ىسكە اسقان. الداعى ۋاقىتتا جاڭا 10 جوبانى جۇزەگە اسىرۋ جوسپارلانىپ وتىر.
بۇگىنگى كۇنى قازاقستان مەن تۇركيا اراسىنداعى ينۆەستيتسيالىق باستامالاردىڭ جالپى پاكەتى 2,7 ملرد اقش دوللارىن قۇرايتىن 70 جوبا ىسكە ەنىپ, سونىڭ ىشىندە 31 جوبا ىسكە قوسىلدى. ال 40 جوبا الداعى ۋاقىتتا جۇزەگە اسىرىلۋى مۇمكىن. 2017 جىلدىڭ جارتىجىلدىق قورىتىندىسى بويىنشا سىرتقى ساۋدا اينالىمى 925,1 ملن تەڭگەنى قۇرادى.