يسلام ىنتىماقتاستىق ۇيىمىنىڭ استاناداعى سامميتىندە تۇركيا دەلەگاتسياسى ميانماداعى مۇسىلماندار پروبلەماسىن كوتەرۋدى كوزدەيدى. تۇرىك دەلەگاتسياسىن وسى ەلدىڭ باسشىسى رەدجەپ تايىپ ەردوعان باستاپ كەلدى, دەپ xابارلايدى قازاقپارات
ء"بىز تۇركيانىڭ سىرتقى ىستەر مينيسترىمەن كەزدەسىپ, ءبىراز ماسەلەلەردى تالقىلاپ شىقتىق. سونىڭ ىشىندە ميانماداعى مۇسىلمانداردىڭ جاعدايىنا قاتىستى پروبلەمالار دا بار", - دەدى قر سىرتقى ىستەر ءمينيسترى قايرات ءابدىراxمانوۆ جۋرناليستەرگە بەرگەن سۇxباتىندا.
ونىڭ ايتۋىنشا, تۇركيانىڭ سىرتقى ىستەر ءمينيسترى ميانمادان قاشىپ كەتكەن بوسقىندارعا ءوزى بارىپ, ولاردىڭ جاعدايىمەن جان-جاقتى تانىسىپ شىققان. "ول ءوز اسەرىمەن ءبولىستى. تۇركيا ەلىنىڭ وكىلدەرى استاناداعى يسلام ىنتىماقتاستىق ۇيىمىنىڭ ءسامميتى كەزىندە ميانماداعى مۇسىلماندار ماسەلەسىن كوتەرۋدى كوزدەيدى", - دەپ اتاپ كورسەتتى ءابدىراxمانوۆ.
ايتا كەتەيىك, بۇگىن اقوردادا قر پرەزيدەنتى نۇرسۇلتان نازارباەۆ تۇركيا رەسپۋبليكاسىنىڭ باسشىسى رەدجەپ تايىپ ەردوعاندى قابىلدادى. ەكىجاقتى كەزدەسۋ كەزىندە ەردوعان قازاق جەرىنە جاساعان العاشقى ساپارىن ەسكە الدى.