ەرجان شىنكەەۆ استانادا ءوتىپ جاتقان «الەم بارىسى ‒ 2017» ءتۋرنيرىنىڭ قولا بەلبەۋگە قول جەتكىزدى.
ەرجان شىنكەەۆ پەن سەرىك بەردىمۇرات اراسىندا وتكەن تارتىستى باسەكەدە قازاقستاندىق بالۋاننىڭ اسىعى الشىسىنان ءتۇستى. ەكى بالۋان ءبىر-ءبىرىن الا الماي ۇزاق بەلدەستى. ءادىسى مەن ءتاسىلى ارتىق شىققان قاراعاندىلىق سپورتشى قارسىلاسىنان ايلاسىن اسىرىپ, ۇپاي سانىمەن جەڭىسكە جەتتى. ايتا كەتۋ كەرەك, ءۇشىنشى ورىن العان بالۋانعا 3 ميلليون تەڭگە كولەمىندە سىياقى تاعايىندالعان.
ەستەرىڭىزگە سالا كەتەيىك, ەرجان شىنكەەۆ «قازاقستان بارىسى ‒ 2013» ءتۋرنيرىنىڭ جانە بيىلعى ەل چەمپيوناتىنىڭ كۇمىس جۇلدەگەرى. ال موڭعوليالىق سەرىك بەردىمۇرات 2014 جىلى وتكەن «ەۋرازيا بارىسى» باسەكەسىنىڭ چەمپيونى. سونداي-اق, موڭعولياداعى «لاشىن» حالىقارالىق ءتۋرنيرىنىڭ جەڭىمپازى.