3 قىركۇيەك كۇنى استانا əكىمدىگىنىڭ قولداۋىمەن ءىV ءداستۇرلى «التىن تۇلپار» رەسپۋبليكالىق بəيگە وتەدى, - دەپ حابارلايدى اكىمدىكتىڭ رەسمي سايتى. تانىمال ۇلتتىق سپورت ءتۇرى بويىنشا تۋرنير حالىقارالىق مامانداندىرىلعان ەكسپو-2017 كورمەسى اياسىندا ۇيىمداستىرىلىپ وتىر.
«التىن تۇلپار» الامان بايگەسى استانا اكىمدىگى مەن ۇلتتىق سپورت تۇرلەرى بويىنشا رەسپۋبليكالىق فەدەراتسيا «Samruk-kazyna» ۇلتتىق ءال-اۋقات قورىنىڭ, مادەنيەت جانە سپورت مينيسترلىگىنىڭ, «نۇر وتان» پارتياسىنىڭ, سونىمەن قاتار «ەكسپو-2017» ۇك قولداۋىمەن وتكىزىلەدى. وسىمەن ءتورتىنشى رەت ۇيىمداستىرىلىپ وتىرعان الامان-بايگە فورماتى بيىلعى جىلى بىرقاتار وزگەرگەن. اتاپ ايتقاندا, بۇعان دەيىن شاۋىپ ءوتۋ شەڭبەرى 12,5 شاقىرىمدى قۇراسا, ەندى 7 شاقىرىم. قاشىقتىق – 51 كم.
قاشىقتىقتا ءار 2 شاقىرىم سايىن باقىلاۋ پۋنكتتەرى ورنالاسادى. وندا تورەشىلەر, ۆەتەرينارلار, قۇقىق قورعاۋ ورگاندارىنىڭ وكىلدەرى بولادى. سونداي-اق, بايگەنىڭ ءوتۋ بارىسى بەينەباقىلاۋ كامەرالارىنا تۇسىرىلەدى. ات جارىس تىكەلەي ەفيردە جانە لەد-ەكراندا كورسەتىلەدى. ات جارىسى دوداسىنا ەلىمىزدىڭ بارلىق ايماقتارى مەن الماتى مەن استانا قالالارىنىڭ كوماندالارى قاتىسادى.
باس جۇلدەگە 10 ملن تەڭگە تىگىلگەن. سونداي-اق جۇلدەلەردى ءبىرىنشى كەلگەن 9 شاباندوز يەلەنەدى. بايگە اقمولا وبلىسى, تسەلينوگراد اۋدانى, «قابانباي باتىر» اۋىلىندا وتەدى (استانادان 35 شاقىرىم جەردە). الامان بايگە 3-قىركۇيەك كۇنى ساعات 11:00-دە باستالادى.