كونستيتۋتسيا – ەلىمىزدىڭ كەمەل بولاشاعىنىڭ كەپىلى.
ەلىمىز تاۋەلسىزدىك جىلدارى تاماشا تابىستارعا قول جەتكىزدى, حالىقارالىق بەدەلدى ۇيىمدار تورىنەن ورىن الدى. قازاقستاندى دۇنيەجۇزى مويىندادى. بۇل كۇندە استانادا ءوتىپ جاتقان ەكسپو-2017 حالىقارالىق كورمەسى سونىڭ ناقتى دالەلى ەكەنى ايدان انىق. قوستاناي وبلىسى ەلىمىزدىڭ ەكونوميكالىق جانە الەۋمەتتىك جاعىنان گۇلدەنۋىنە قوماقتى ۇلەس قوسىپ كەلەدى. قازاقستاندا وندىرىلگەن التىن استىقتىڭ تورتتەن ءبىرىن قوستاناي وبلىسى بەرەدى. ەلىمىزدە ۇن وندىرۋدەن قوستاناي وبلىسى الدىنا قارا سالعان جوق, ازىق-ت ۇلىكتىڭ باسقا تۇرلەرىن وندىرۋدە دە ول الدىڭعى ورىنداردان كورىنەدى. كەن ءوندىرۋ, ماشينا جاساۋ, اۋىلشارۋاشىلىق ونىمدەرىن وڭدەۋ جونىنەن دە قوستاناي يندۋستريالىق ايماقتار قاتارىنا قوسىلعان. تاۋەلسىزدىك تولايىم تابىستارىمىزبەن دە نىعايىپ كەلەدى.
كونستيتۋتسيا وسىنداي باي دا, بەيبىت ەلدە تۇرىپ جاتقان ادامدارعا جاقسى تۇرۋدىڭ جانە باقىتتى بولاشاعىمىزدىڭ بارلىق مۇمكىندىكتەرىن بەردى. ءبىز جاس ۇرپاقتىڭ كەلەشەگىن ويلاساق, كونستيتۋتسيا بەرگەن مۇمكىندىكتەر مەن كەپىلدىكتەردىڭ قادىرىنە جەتۋىمىز قاجەت. ويتكەنى ۋاقىت, زامان ءتۇرلى بولۋى ىقتيمال. ءبىز ءومىر ءسۇرىپ وتىرعان جاھاندانۋ ۇدەرىسى سونى مەڭزەيدى. تاۋەلسىزدىكتىڭ ەلەڭ-الاڭىندا, ەلىمىز باسىنان داعدارىس كەزەڭىن وتكىزگەن كەزەڭدە ەلباسى نۇرسۇلتان نازارباەۆ مەملەكەت ءۇشىن كوپتەگەن جاۋاپكەرشىلىكتى ءوز موينىنا الا ءبىلدى. بەلەس-بەلەس قيىندىقتاردان حالقىن امان الىپ شىقتى, تاۋەلسىز مەملەكەتتىڭ ىرگەتاسىن قالادى. ەندى جاس ۇرپاق تاۋەلسىزدىكتىڭ تۇعىرىن نىقتاۋ ءۇشىن رۋحاني جاڭعىرۋ كەرەك.
«بولاشاققا باعدار:رۋحاني جاڭعىرۋ» باعدارلامالىق ماقالاسىندا نۇرسۇلتان ءابىش ۇلى ونىڭ باعىت-باعدارلارىن كورسەتىپ بەردى. وسىعان وراي وبلىستا جان سۇيسىنەرلىك جۇمىستار باستاۋ الدى. بۇگىنگى ۇرپاق اتالار سالعان ءىزدى جوعالتپاۋى ءتيىس: ول – حالقىمىزدىڭ ءتىلى, ءدىنى, ءداستۇرى, تاريحى. كونستيتۋتسيا كۇنى قارساڭىندا وبلىستىڭ بارلىق شالعايىندا جۇرگىزىلگەن جۇمىستار وسىنى باعدارشام ەتىپ العانى قۋانتادى. جاستار وتكىزگەن دوڭگەلەك ۇستەل, ۇلتتىق ويىندار, ايتىستار, ۇرپاقتار وكىلدەرىنىڭ كەزدەسۋى سەكىلدى ءتۇرلى شارالار جۇرتتىڭ كوڭىلىندەگىنى ءدوپ تاپقانداي بولدى. كونستيتۋتسيا بەرگەن كەپىلدىكتەرگە بەرەر جاۋاپ وسىلاي بولسا كەرەك-ءتى.
الەكساندرا سۋسلوۆا, قوستاناي وبلىستىق قازاقستان حالقى اسسامبلەياسى قوعامدىق كەلىسىم كەڭەسىنىڭ ءتورايىمى