اقسۋ قالاسىندا مەكتەپ وقۋشىلارىنا كومەك كورسەتىلدى

كورپوراتسيانىڭ ۆيتسە-پرەزيدەنتى تاتيانا نوساچەۆانىڭ ايتۋىنشا, بيىلعى جىلى  ۇشتەرەك, ءمامايىت وماروۆ اتىنداعى اۋىلدارعا قاراستى 5 مەكتەپتىڭ 292 وقۋشىسى جاڭا وقۋ جىلىنىڭ الدىندا كورپوراتسيا اتىنان  ارنايى مەكتەپ فورماسى, سپورتتىق كوستيۋمدار, قىسقى كيىمدەر, كەڭسە تاۋارلارى بەرىلدى. جانە دە  كاسىپورىندا ەڭبەك تەىپ جۇرگەن  كوپ بالالى ەنەرگەتيكتەر وتباسىلارىنا دا ماتەريالدىق  قولداۋ كورسەتىپ, قوسىمشا 25 مىڭ تەڭگە كولەمىندەگى قاراجات ءبولدى.

ال, كورپوراتسياعا قاراستى  ەكىباستۇزدىق «ەەك» اق «شىعىس» كەنىشىنىڭ اكىمشىلىگى جانە كوسىپوداق كوميتەتى جۇمىسشىلاردىڭ بالالارى ءۇشىن ءبىلىم كۇنىنە وراي سپورتتىق شارالار وتكىزۋدە. سونىمەن بىرگە, كورپوراتسيا قامقورلىعىنداعى ء«ۇمىت» بالالار ءۇيى تاربيەلەنۋشىلەرىنە كاسىپوداق كوميتەتى 100 مىڭ تەڭگە ءبولدى. جازعى دەمالىس كەزىندە كورپوراتسياسى اكىمشىلىگى كاسىپوداق كوميتەتتەرى  باياناۋىل تابيعي پاركىندەگى «قارلىعاش» جانە «Discovery» (بۋراباي) ايماعىنا جۇمىسشىلارىنىڭ بالالارىنا  255 جولداما ساتىپ الىپ بەرىپتى. مىسالى, 200-گە جۋىق بالا كاسىپورىننىڭ اقسۋداعى ەمدەۋ-ساۋىقتىرۋ كەشەنىندە دەنساۋلىعىن جاقسارتسا, 745 بالاعا جولداما كاسىپورنىنىڭ «جاسىباي» دەمالىس ۇيىنە بەرىلدى.  

كاسىپورىننىڭ بالالار جازعى دەمالىسىنا, «مەكتەپكە جول» شاراسىنا دەگەن ۇلەسى ءوڭىردىڭ الەۋمەتتىك-ەكونوميكالىق جاعدايىنىڭ جاقسارۋىنا ىقپالىن تيگىزىپ, ىسكەرلىك جاۋاپكەرشىلىگىنىڭ  ۇلگىسى. قازىر ەۋرازيالىق توپ (ERG) باستاپ وڭىردە «تۋعان جەر» اتتى مونوقالالاردىڭ جەرگىلىكتى تۇرعىندارىنىڭ الەۋمەتتىك جاعدايلارىن جاقسارتۋعا باعىتتالعان باعدارلامانى جۇزەگە اسىرۋعا كىرىستى. 

فاريدا بىقاي, «ەگەمەن قازاقستان

سۋرەتتى تۇسىرگەن: ەلەنا گاركاۆا