ماقتارال اۋداندىق ءبىلىم ءبولىمىنىڭ ۇيىمداستىرۋىمەن "ماقتاارال" مادەنيەت ۇيىندە بوس جۇمىس ورىندارىنا ارنالعان پەداگوگيكالىق جارمەڭكە وتكىزىلدى. اۋدانداعى بارلىق 125 مەكتەپتەن 108 پەداگوگيكالىق ماماندىق, 36 جۇمىسشى ماماندىعى جۇمىس ىزدەۋشىلەرگە ۇسىنىلدى.
ماماندىقتاردىڭ ىشىندە ورىس ءتىلى مەن ادەبيەتى ءپانىنىڭ مۇعالىمى ماماندىعىنا 36 جۇمىس ورنى بوس ەكەن. اسىرەسە, ماقتارال اۋدانىندا ماتەماتيكا ءپانىنىڭ مۇعالىمى, باستاۋىش سىنىپ مۇعالىمى, اعىلشىن ءتىلى ءپانىنىڭ مۇعالىمى جانە حيميا ءپانىنىڭ مۇعالىمى ماماندىقتارىنا سۇرانىس وتە جوعارى.
«جارمەڭكەگە قاتىسا الماعاندار اۋداندىق "جۇمىسپەن قامتۋ ورتالىعى" كمم-نە بارىپ, جۇمىس ىزدەۋشى رەتىندە تىركەلىپ, ءوز تۇيىندەمەلەرىن قالدىرا الادى. بوس ۆاكانتسيا شىقسا جۇمىسسىز ازاماتتارعا دەرەۋ حابارلايمىز», دەدى اۋداندىق ءبىلىم ءبولىمىنىڭ مامانى تۇرسىنباي مىرزاليەۆ.
جالپى, جارمەڭكەدە جۇمىس ىزدەۋشى رەتىندە تىركەلىپ, قۇجاتتارىن تاپسىرىپ جاتقان ازاماتتاردىڭ قاتارىندا جاستار كوپ. ءال-فارابي اتىنداعى قازاق ۇلتتىق ۋنيۆەرسيتەتىنىڭ بيولوگيا فاكۋلتەتىن بيىل ۇزدىك ءبىتىرىپ, قىزىل ديپلوممەن تۋعان جەرىنە ورالعان ايگۇل يبراگيموۆانىڭ تۇيىندەمەسىن كورگەن مەكتەپ ديرەكتورلارى ءوز مەكەمەلەرىنە جۇمىسقا تۇرۋعا شاقىرىپ وتىر. ءبىلىم ءبولىمى ماماندارىنىڭ ايتۋىنشا, وسى اپتانىڭ سوڭىنا دەيىن پەداگوگيكالىق بوس جۇمىس ورىندارىنىڭ بارلىعىنا جۇمىس ىزدەۋشى ازاماتتار ورنالاستىرىلاتىن بولادى.
ايتا كەتەيىك, بۇگىنگى تاڭدا ماقتارال اۋدانىنىڭ 125 مەكتەبىندە 9 مىڭنان اسا مۇعالىم جۇمىس جاسايدى.