ونىڭ سالتاناتتى جابىلۋ راسىمىنە ىشكى ىستەر ءمينيسترىنىڭ ءبىرىنشى ورىنباسارى مارات دەمەۋوۆ پەن وبلىس اكىمى قۇمار اقساقالوۆ قاتىسىپ, جەڭىمپازداردى قۇتتىقتادى. ديپلومدار مەن باعالى سىيلىقتار تابىس ەتتى. ىشكى ىستەر ورگاندارىنىڭ قىزمەتكەرلەرى اراسىندا وتكىزىلگەن ءداستۇرلى ءYىىى رەسپۋبليكالىق «پاراساتتى پوليتسەي» بايقاۋى قورىتىندىلاندى.
ىشكى ىستەر مينيسترىلىگىنىڭ باستاماسىمەن قازاقستان پوليتسياسىنىڭ 25 جىلدىعىنا ارنالعان ءىس-شارانىڭ ماقساتى ىشكى ىستەر ورگاندارىندا ءتىل ساياساتىن ناسيحاتتاۋ, پوليتسەيلەردى وتانسۇيگىشتىككە تاربيەلەۋ, قىزمەتتە جانە كۇندەلىكتى تۇرمىستا مەملەكەتتىك ءتىلدىڭ قولدانىس اياسىن كەڭەيتۋ جانە پوليتسەي ماماندىعىنىڭ بەدەلىن ارتتىرۋدى بولدى. كونكۋرسقا قازاقستاننىڭ بارلىق وبلىستارىنان جانە ءۇش جوعارى وقۋ ورىندارىنان كەلگەن 19 كوماندا ءوزارا كۇش سىناستى. ءۇش كەزەڭنەنە قۇرالعان بايقاۋ بارىسىندا قاتىسۋشىلارعا اكتەرلىك شەبەرلىكتەرىن, ونەرلەرىن, بىلىمدەرىن جانە مەملەكەتتىك تىلدە ءوز ويلارىن جەتكىزۋ تالاپتارى قويىلدى. ء بىرىنشى كەزەڭدە ءار كوماندا وزدەرىن تانىستىرىپ, قىزمەتتە مەملەكەتتىك ءتىلدىڭ قولدانىلۋىن قويىلىمدار ارقىلى كورسەتتى. ەكىنشى كەزەڭدە وتاندى, ەلدى, جەردى سۇيۋگە دەگەن سۇيىسپەنشىلىكتى تۋدىراتىن پارتريوتتىق جانە اۆتورلىق اندەر شىرقالدى. اقتىق سىندا كوماندا كاپيتاندارى زاڭنامالار, ەلىمىزدىڭ تاريحي قۇندىلىقتارى, سالت-داستۇرلەرى بويىنشا ءبىلىم جارىستىردى.
بايقاۋدىڭ قورىتىندىسىندا اقتوبە ء وىىد-ءنىڭ «سەرت بەرەمىز» كومانداسى ء بىرىنشى ورىنعا لايىق دەپ تانىلدى. ەكىنشى ورىندى «كوكشە ساقشىلارى» /اقمولا وبلىسى/ مەن «تاراز قىراندارى» /جامبىل وبلىسى/ يەلەندى. ءۇشىنشى ورىندى «سارىارقا ساقشىلارى» /پاۆلودار وبلىسى/, «كاسپي» /ماڭعىستاۋ وبلىسى/ جانە قوستاناي اكادەمياسىنىڭ «قابىلباەۆ ۇرپاقتارى» كوماندالارى ءبولىستى .
«كورەرمەن كوزايىمى», «ونەرلى كوماندا», «تىلەگى مەن ءتىلى ءبىر», «اكتەرلىك شەبەرلىگى ءۇشىن», «ۇزدىك كاپيتان» اتالىمدارى بويىنشا جەڭىمپازدار انىقتالدى. سونىمەن بىرگە وبلىستىق جانە كولىكتەگى ءىىد-تەرى اراسىندا ۇيىمداستىرىلعان ۇزدىك بەينەروليك بايقاۋى قورىتىندىسىندا ء بىرىنشى دارەجەلى ديپلوممەن ماڭعىستاۋ ءوىىد ماراپاتتالدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى.