27 تامىز كۇنى قازاقستان تەرريتورياسى انتيتسيكلوننىڭ ىقپالىندا بولىپ, جاۋىن-شاشىنسىز اۋا رايى ساقتالادى, تەك سولتۇستىك-باتىستا جانە سولتۇستىكتە اتموسفەرالىق فرونتتاردىڭ وتۋىنە بايلانىستى كەي جەرلەردە وتكىنشى جاڭبىر جاۋىپ, نايزاعاي وينايدى. جەكەلەگەن اۋماقتاردا جەل كۇشەيەدى, وڭتۇستىكتە وعان شاڭدى داۋىل قوسىلادى, دەپ حابارلايدى قازگيدرومەت.
وڭتۇستىك قازاقستان, اقتوبە, كۇندىز قىزىلوردا, شىعىس قازاقستان وبلىستارىنىڭ كەي جەرلەرىندە 15-20 م/س ەكپىندە جەل سوعادى. قىزىلوردا وبلىسىندا جەل شاڭدى داۋىلمەن بىرگە كۇشەيەدى.
كۇندىز قوستاناي وبلىسىنىڭ, قاراعاندى وبلىستارىنىڭ كەي جەرلەرىندە نايزاعاي كۇتىلەدى, جەلدىڭ جىلدامدىعى 15-20 م/س ارتادى. تۇندە ماڭعىستاۋ وبلىسىنىڭ كەي اۋماقتارىندا نايزاعاي ويناپ, كۇندىز 15-20 م/س ەكپىندە جەل تۇرادى. اقمولا, سولتۇستىك قازاقستان وبلىستارىنىڭ كەي جەرلەرىندە كۇندىز نايزاعاي كۇتىلەدى.
كۇندىز اقتوبە, قوستاناي, قاراعاندى وبلىستارىنىڭ كەي جەرلەرىندە قاتتى ىستىقتار ساقتالادى. سونداي-اق اقتوبە, اتىراۋ, قىزىلوردا, كەي جەرلەردە وڭتۇستىك قازاقستان, جامبىل, الماتى, باتىس قازاقستان, شىعىس قازاقستان, قوستاناي, قاراعاندى, اقمولا وبلىستارىندا وتە جوعارى ءورت قاۋپى ساقتالادى.