«ەكسپو-2017» حالىقارالىق كورمەسى اياسىندا ەلوردادا شانحاي ىنتىماقتاستىق ۇيىمى مەن ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ حالىقارالىق مارافونى باستالدى.
مارافوننىڭ اشىلۋ سالتاناتىندا مəدەنيەت جəنە سپورت ءمينيسترى ارىستانبەك مۇحامەدي ۇلى استانادا ءبىرىنشى رەت ۇيىمداستىرىلىپ وتىرعان مارافوندى ۇيىمداستىرۋشىلار مەن قاتىسۋشىلارعا العىس ءبىلدىردى. ال شانحاي ىنتىماقتاستىق ۇيىمىنىڭ باس حاتشىسى راشيد اليموۆ بارلىعىنا سəتتىلىك تىلەدى.
حالىقارالىق جارىسقا قاتىسۋعا 5100-دەن استام ادام كەلگەن. بۇگىن مارافونشىلار 2017 مەتر, 10 كم جəنە 42 كم 195 مەترگە جۇگىرەدى.
حالىقارالىق مارافونعا قاتىسۋعا قر پرەزيدەنت اكىمشىلىگىنىڭ جەتەكشىسى ادىلبەك جاقسىبەكوۆ, اقپارات جانە كوممۋنيكاتسيالار ءمينيسترى داۋرەن اباەۆ, استانا قالاسىنىڭ اكىمى اسەت يسەكەشەۆ, ايگىلى سپورتشىلار جاقسىلىق ۇشكەمپىروۆ, سەرىك ساپيەۆ, باحتيار ارتاەۆ, قانات يسلام, الەكساندر ۆينوكۋروۆ ت.س.س. كەلگەن.