ساكرالدى قازاقستان» عىلىمي-زەرتتەۋ ورتالىعىنىڭ باسشىسى, ساياساتتانۋ عىلىمدارىنىڭ كانديداتى بەرىك ابدىعالي ۇلى قازاقستاننىڭ ساكرالدى كارتاسى بويىنشا 100 كۇندىك جۇمىستىڭ قورىتىندىسى تۋرالى ايتىپ بەردى, دەپ حابارلايدى رrimeMinister.kz.
بەرىك ابدىعالي ۇلى «ساكرالدى قازاقستان» عىلىمي-زەرتتەۋ ورتالىعى 2017 جىلعى 15 مامىردا قۇرىلعانىن ەسكە سالدى. سول كەزدە بارلىق وڭىردە ساكرالدى ورىنداردى انىقتاۋ بويىنشا وبلىستىق كوميسسيالار قۇرىلعان بولاتىن. ورتالىقتىڭ مىندەتىنىڭ ءبىرى - جوبالاردى ساراپتاۋ-ادىستەمەلىك سۇيەمەلدەۋ. نىسانداردىڭ قۇندىلىعىن انىقتاۋمەن قر مادەنيەت جانە سپورت ءمينيسترى ارىستانبەك مۇحامەدي ۇلى باسشىلىق ەتكەن جۇمىس توبى اينالىسادى.
ء«بىز ازىرلەگەن ۇسىنىستار بويىنشا وڭىرلەردەن شامامەن 1 000 ءتىزىم كەلىپ ءتۇستى. بۇگىندە جەتەكشى عالىمدار مەن قوعام قايراتكەرلەرىنەن قۇرىلعان ساراپتاۋ كەڭەسىنىڭ شەشىمىمەن مادەني مۇرانىڭ 100-گە جۋىق جالپى ۇلتتىق جانە 500 وڭىرلىك نىسان انىقتالدى», – دەپ حابارلادى ب. ابدىعالي ۇلى.
سونداي-اق, ونىڭ ايتۋىنشا, قىركۇيەكتە مادەنيەت جانە سپورت مينيسترلىگىنىڭ قولداۋىمەن, ەل وڭىرلەرىنە رەسپۋبليكالىق «ساكرالدى قازاقستان» ەكسپەديتسياسىن ۇيىمداستىرۋ جوسپاردا بار. ەكسپەديتسيا كەزىندە عالىمدار ولكەتانۋشىلارمەن بىرلەسىپ, ءاربىر ساكرالدى نىساندى قۇجاتتاندىرىپ, ولاردىڭ قۇندىلىقتارى تۋرالى باياندالاتىن اڭىزدار جازادى.
ء«ىس جۇزىندە, حالىق بۇل جەرلەردى بۇعان دەيىن انىقتاپ قويعان. ءبىزدىڭ مىندەتىمىز – ساكرالدى ورىنداردىڭ بىرىڭعاي جەلىسىن قۇرۋ. بىزگە ساكرالدى جانە رۋحاني قۇندىلىقتار ماڭىزدى. ولار ۇلكەن تاربيەلىك جانە بىلىمدىك سيپاتتاعى ءرول وينايدى. كەلەشەكتەگى مىندەت – ولاردى كەڭىنەن ناسيحاتتاۋ. ادامدار قانداي قۇندىلىقتارعا يە ەكەندەرىن ءتۇسىنۋى كەرەك», - دەدى ب. ابدىعالي ۇلى.