«حالىقارالىق ساراپشىلاردىڭ باعالاۋىنا قاراعاندا, ەكونوميكانى تسيفرلاندىرۋ الەمدىك ەكونوميكانىڭ كورىنىسىن تۇبەگەيلى وزگەرتەدى جانە 2025 جىلعا قاراي ءىجو-ءنىڭ ۇشتەن ءبىر بولىگىن قۇراۋى مۇمكىن. قازىرگى كەزدە ەاەو-نىڭ بىرىڭعاي تسيفرلى كەڭىستىگى بەلسەندى تالقىلاۋدان ءوتىپ جاتىر. بۇل ءوز كەزەگىندە تاۋارلار مەن قىزمەتتەردىڭ, ادامداردىڭ, كاپيتالدىڭ ەركىن قوزعالىسىن قولدايتىن ەڭ نەگىزگى ەلەمەنتتەردىڭ ءبىرى بولۋى ءتيىس. ەاەو-نىڭ تسيفرلى كۇن ءتارتىبى ءبىزدىڭ اتقارعان جەتىستىكتەرىمىز بەن الەمنىڭ تىڭ تاجىريبەسىنە كىرەتىن جيىنتىق بازاعا اينالۋدى كوزدەيدى», دەدى ب.ساعىنتاەۆ.
ۇكىمەت باسشىسىنىڭ بايانداۋىنشا, ەاەو-نىڭ ءۇشىنشى ەلدەرمەن ءوزارا ساۋدا-ساتتىقتى ارتتىرۋداعى تاجىريبەسى جالپى ەكونوميكالىق بايلانىستى كەڭەيتۋدە قولايلى جاعداي جاساپ وتىر. قازىرگى كەزدە ەركىن ساۋدا-ساتتىق تۋرالى كەلىسسوزدەر يزرايلمەن, سەربيامەن جانە يرانمەن ءجۇرىپ جاتىر. سونىمەن قاتار, پرەمەر-مينيستر ەكونوميكالىق كورسەتكىشتەردىڭ نەگىزگى باعىتتارىنىڭ ءبىرى ءتۇرلى كەدەرگىلەردى جويۋعا نەگىزدەلگەندىگىن اتاپ ءوتتى. وسىنداي باستامالار وڭدەۋشى ونەركاسىپتىڭ دامۋىنا قولايلى جاعداي جاسايدى. سونداي-اق, پرەمەر-مينيستر قازاقستان ۇكىمەتى «تسيفرلى قازاقستان» مەملەكەتتىك باعدارلاماسى اياسىندا جۇمىستار جاساپ جاتقانىن ەسكە سالدى.
«ونىڭ ماقساتى ەكونوميكانىڭ بازالىق سەكتورلارىندا الەۋەتتى ءارتاراپتاندىرۋ مەن جۇزەگە اسىرۋعا, كاسىپكەرلىك قىزمەتتى ىنتالاندىرۋعا, جاڭا تەحنولوگيالىق قۇرىلىس قۇرۋعا باعىتتالعان. قازاقستاندا تسيفرلاندىرۋدى دامىتۋ ءۇشىن اۋقىمدى جۇمىستار جۇزەگە اسىرىلۋدا, بۇل ءوز كەزەگىندە جۇيەلىك دامۋعا, ەكونوميكانىڭ سالالارىندا تۇرلەنۋگە, ەلەكتروندى مەملەكەتتىك قىزمەتتەردىڭ ساپاسىن ارتتىرۋ جانە كرەاتيۆتى قوعامدى قۇرۋعا تىڭ سەرپىن بەرەدى», دەدى ب.ساعىنتاەۆ.
دينارا بىتىك,
«ەگەمەن قازاقستان»