كەشە قايرات ءماميدىڭ توراعالىق ەتۋىمەن پارلامەنت سەناتىنىڭ بيۋرو وتىرىسى بولدى. وندا پارلامەنت ماجىلىسىندە ماقۇلدانعان زاڭ جوبالارى كوميتەتتەر مەن سەنات اپپاراتىنا بەرىلدى, دەپ حابارلادى سەناتتىڭ ءباسپاسوز قىزمەتى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جانە بيۋدجەتتىك جوسپارلاۋ جونىندەگى وكىلەتتى ورگاندار قۇزىرەتتەرىنىڭ اراجىگىن اشۋ جانە بيۋدجەت پروتسەستەرىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى», «2012-2014 جىلدارعا ارنالعان رەسپۋبليكالىق بيۋدجەت تۋرالى» جانە «قازاقستان رەسپۋبليكاسىنىڭ ۇلتتىق قورىنان 2012-2014 جىلدارعا ارنالعان كەپىلدەندىرىلگەن ترانسفەرتتەر تۋرالى» زاڭ جوبالارى قارجى جانە بيۋدجەت كوميتەتىنە بەرىلدى.
سونداي-اق, بيۋرو وتىرىسىندا بيىلعى 20 قازاندا بولاتىن سەناتتىڭ كەزەكتى جالپى وتىرىسىنىڭ كۇن ءتارتىبى قارالدى. اتاپ ايتقاندا, وتىرىستا «2007 جىلعى 6 قازانداعى كەدەن وداعىنىڭ كوميسسياسى تۋرالى شارتقا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن قاراۋ جوسپارلانىپ وتىر. دەپۋتاتتار تالقىلاۋىنا «نوتاريات تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا ۇسىنىلادى.